09.3.29(日)

大埔

晴晴開心日

今早落雨呀,

所以最後都出唔到大埔中心食早餐!

最後我地係樓下間百利飲茶,

昊哲一見到野食,

即好狼咁食野喇,阿婆都餵佢唔切呀,

佢對手仲要捉住阿婆既手臂,

食遲一陣都唔得!!

今日阿爸,may姨,老公都一齊飲茶,

至於細佬反而調左返沙田車廠後,無得放星期日呢!!

點解話今日係cobi既開心日,

原因係姨婆(may姨)提早買生日禮物俾佢呀,

佢開心到飛起啦,

佢揀左melody斜揹袋,就大d既,

同埋又要左一個益智遊戲玩具(阿so介紹果個),

至於昊哲就有頂帽仔,幾型架!!

阿婆又買左一套靚衫俾佢tim,

cobi見到都想買,不過佢揀果件只係件好普通既衫,

仲要賣$69,真係搶錢呀,我唔俾佢買,

所以無買到,不過佢係咁扭,最後阿婆就買件$10既衫氹住佢先,

下次先再買返套靚d既!!

就咁,係屋企食埋晚飯,

睇埋[耳分高下-首爾版]就歸家喇!!