09.4.4(6)

大大條鱸魚

今日老公帶埋cobi去拜山,

我就可以休多年唔駛上住,

因昊哲未夠一歲,

上去唔係咁好!

佢地11點幾出門,成3點幾先返,

cobi返到黎即話好攰呀~~

緊係啦,先前上去都有人抱下佢,

依家佢咁大,全程緊係自己行啦!!

今晚又多得阿志,

我地又有海魚食喇,仲要係大大條鱸魚,

我原本都唔係好食魚,覺得魚好腥,

但生左2隻魔怪後,口味變左,

唔係好難頂既魚,我都食喇,比起以前食得多魚左;

同埋老公會整個薑蒜蓉豆豉汁黎蒸,

真係一d腥都無!!

條魚真係好大條架,佢話要影黎俾阿皮睇!!

lee條魚可以分2餐食喇!!

個魚卜好白雪雪呀,

老公話係海魚先會咁白,養魚就唔會咁靚喇!!

係廚房走出黎,昅下2個魔鬼玩緊咩啦,

哈..真係估佢地唔到,

昊哲仲要瞓得咁鬼型睇電視tim,

人仔細細,都幾識嘆喎!!