今日老公收到一個TEL,叫佢聽日返工呢,
真係好消息呀,佢最開心既係可以做返老本行--揸機!!
時間仲係返8:00-6:00PM,星期日放假,3個月試用期,
做得好有機會加人工!!
希望LEE份工可長長久久咁做啦,做櫃場既工真係越黎越少!!
知道LEE個消息後,就SEND SMS俾阿皮阿詩,約左一齊出街食飯,同埋黑仔TIM,
今次我地揀左[良景大酒樓]到食,D野都OK既,不過都算細碟左D囉,係蝦最抵食,$1/斤,我地就叫左2斤,都只係2蚊咋,不過就每枱都限住數叫既,要收多2位茶錢先叫到2斤食咋,D蝦勝在夠新鮮!!
同埋無啦啦有隻大強係地下出現呀,嚇到原本餵緊仔食飯既我,即留底左阿仔,彈左去另一張枱,見到條屍俾人執走左先敢行返埋去坐!! 阿仔,下次我一定會抱埋你走~~
我同COBI食飽後,就帶左佢去[OK]買雪糕食喇,$1優惠只係做到29號咋,計埋今次都食左4次喇..哈哈!!
|
