09.5.10(日)

大埔

溫馨母親節

今日返大埔,除左同媽咪食飯外,

仲有另一個人好想見,就係中學同學玉餅喇,

佢嫁左去台灣喇...嗚嗚..真係好耐先有得見一次,

今次返黎,係hk註冊,佢老公我無緣見啦,

原來佢老公6號黎,8號就飛返去喇,

真係來去衝衝呀~~

玉餅自己都係,佢聽日就又飛喇...嗚嗚嗚~~

唔知再隔幾耐先有得再相見,好在依家網絡發達,

可以網上傾下計!!

同玉餅都有成2年都無見喇,

佢都係今日先第一次見昊哲咋~~

張相係cobi同我地影架,幾張入面,lee張已算最好..^^

昊哲又扮野喇~~=.="

cobi已經唔記得左玉餅喇~~

傾左一陣,玉餅就閃lu,我就自己一個人出左大埔墟行,

行邊?咪就係2蚊店囉,次次入親去,都唔捨得走,

d野咁抵,驚買漏左~~

再之後就行埋去大埔中心,

因果邊既藥房賣日本奶粉抵,再跟住就又行左去大元村街市,

只係想買苦瓜,想煲去火湯,點知無,諗住搭返k12返home,

因阿仔唔跟媽咪,要搵我,係咁喊,有家姐陪住都唔得............唉!!

突然諗起要買花俾媽咪,

睇左一陣都揀唔岩,就又行返去大埔富善街,

一買就買左扎,雖唔係貴野,又無好好既包裝,希望媽咪鐘意啦!!

不過我對腳超攰呀~~

lee幾張相,真係笑到我同媽咪標哂眼水,

因為同昊哲轉奶粉,就買左罐新既,

點知cobi見到,就係咁叫我幫佢影相,佢又掂住罐奶粉喎,

唔知以為佢賣緊奶粉廣告呀~~

今晚落左新達既紅樹林到食晚餐,

初時以為d野好細碟,黎到原來唔係囉,都幾大碟下,

我又係叫左西冷牛扒跟飯,配焗青口,個餐送芒果芝士餅做甜品,

媽咪就食照燒雞扒軟殼蟹跟意粉,細佬就要左香草羊扒跟意粉,

今餐真係飽飽飽~~

已經分左飯俾2姐弟,我都仲有大半碗飯食,

媽咪又俾左一碗仔意粉我試,

真係食唔哂呀,同埋d照燒汁既味好怪咁,配落意粉到,

好似食到消毒藥水味....

食飽,緊係要散下步啦,

昊哲一落地,就開心到爆喇,即fing開舅父同家姐隻手,

扮哂勁要自己行~~

食蛋糕時間黎喇,

媽咪初時見到個cake,都好開心,

不過食時見只係淋上芒果醬,再加芒果伴食,

就好快咁講左句:"就咁食架咋?"

oh~~媽咪,妳太高估我喇,知妳想食天使cake,

不過今日我一拖2,點整到黎呢,唔緊要,

妳真係好想食,俾d時間我去整,同埋進步啦!!

當然媽咪對今次個cake都滿意,

只係佢以為我會整得再複雜d啫!!

食左手上舊cake,佢即問仲有無剩,

佢話要拎俾街方試下喎!!

再抖左一陣,搭車走lu,

媽咪送我去搭車,

今次都係搭小巴,因太夜喇,搭bus又耐!!

p.s.

今日係大埔落車後,發生左一件事,

都好危險下,我一隻手拎住袋野,一隻手就拖住cobi,

昊哲就揹左係身,係落扶手電梯既中途,

電梯突然停左,

好在事發前早一步即cobi扶住,

唔係就一定3個齊齊碌哂落去喇,亦都好在後面既人,

平衡力好無事,唔係我地3個真係~~