09.6.18(4)

老公忙碌的生日

今日係老公正日生日,

但就過得好忙碌;

下午搵左好友黑仔幫手裝冷氣,

點知有幾個位置唔係好岩位,就左整整右整整,

整到成4點幾5點先食野,

到我做完飛so,就接阿仔去睇醫生,

老公就帶阿女去剪頭髮~~

到返到屋企,以為佢已經整好哂冷氣,

原來仲未,仲爭個邊位要再搵膠片封住,

好在對上果次用剩左塊膠片,今次用得著喇,

不過size唔岩,又要cut過,

攪好哂所有野,已經8點幾喇~~

先前部冷氣,某日無啦啦開唔返,燒鬼左,

攪到幾晚瞓得好唔舒服,

今晚終於有新冷氣嘆喇!! ^^

都係全靠老公同黑仔既功勞,

自己裝慳$200,老公話點都自己裝,

左邊窗位好多白膠,好在d味都散得快~~

lee邊,個百厭仔又做埋d高危動作,

仲要跳舞tim~~

都幾like阿女今次既髮型,

佢剪完好開心架,

因個頭輕左好多之餘,佢覺得靚左嘛~~

今晚揀左去椰林閣食,

都好耐無去,比想像中,d野好左好多喎,

lee個係老公既紐西蘭西冷扒,

塊扒好大塊呀,早知我都叫lee個啦,

d肉都ok,好過自己煎..哈哈,係肥左d啫~~

lee set就係我架喇,加多$26,

就變左酥皮湯,

一杯芒果蜜桃滑滑冰,再加一塊豬頸肉薄餅,

都幾好味~~

今餐只係$135賣單咋,真係抵呀~~呵呵!!

話哂生日,都有心想整個cake俾老公,

之不過今日真係太忙喇,都無時間整,返到屋企攪哂2隻野沖涼,

都10點幾11點喇,仲整黎把鬼咩,

老公第日都返工,瞓左lu,

就咁有籍口,第2日先補返個俾佢~~

老公今日你辛苦喇,生日快樂呀!!

今年既生日,佢就咁忙碌中渡過左喇,

依家到我期待下個月既生日喇~~