09.7.25(日)
深圳
唔再盲中中
行程:元朗->福田口岸->老街->世界之窗站->四海一家
今日媽咪收工入黎睇住2粒孫,
我就同老公又北上喇,今次主要想去食四海一家啦,
點知好失望,D野食麻麻地,只可話抵食咋...
好在今次上去,都係有收穫~~哈哈
下次去大飽口福先得~~
我地落元朗,搭返架B1(無記錯掛)去福田,
之後就轉地鐵喇,
今次算係熟哂路,好易行~~
第一站係落去老街,買衫仔俾佢地2個先,
不過唔記得左邊邊個街口入返去買衫仔既舖頭喎,
最後都係我醒記得返,
今次多數都係買俾阿女,
阿仔上次買夠哂~
庾後緊係到我自己啦,去返9.9既店到入貨,
門口位都爭D影唔到,太多人喇!!
到左5點幾6點,
就搭車到世界之窗站喇,
雖無入到去玩,但都影返張相扮下野先..HEHE~~
D野食真係好麻麻呀,
韓國蠔喎,但一D蠔味都無,只係得個樣~~
三文魚刺身,要排隊等切先拎得,好無癮...
鵝肝配餅乾,味道就麻麻...可能係國產鵝...
見成隻擺上枱切,以為係牛仔啦,點知原來係羊,超難食...
焗蠔老公食得最多,我都係覺無咩蠔味...
煎既鵝肝加黃花雀(唔知有無記錯名),2隻雀仲好味過國產鵝肝~~
食緊野影佢相,佢十分之不滿..KAKA~~
魚翅撈飯一睇就想拎返碗食,知係假都好過唔食啦..
韓國烏雞人參湯,無乜雞味...
LEE間野好多湯飲,真係飲湯都飲飽呀,
飲品都係可樂果汁果D,但一D都唔好飲既,
估唔到既係,啤酒,紅酒任伕飲囉,
但啤酒偏甜,紅酒唔記得左試,失察...>,<
見到綿花糖,即拎返支黎食下先,
記得以前好易買得到,又好味,雖然依家都有,
但味道爭D既~~
鰐魚頭湯,係樣衰又嚇人左D,但個湯幾好飲喎~~
果到D甜品,見到都唔夠膽食,同埋一D都唔吸引,
2 杯雪糕要用送既飛係拎先有得食,
但又唔係話好好味架喎...老公就嫌佢好溶喇!
點解個公仔要設計成咁呢?
咁難得有得2公婆拍下拖,老公都忍唔住影返張自拍,
話時話,係佢識得就返位,我試過幾次都唔得=.="
搵位侍應同我地影返張,點知...=.="都唔清楚既...
以下就係戰利品喇,
咖啡好抵,只係10蚊/@,共買左4罐,
問有無得送,竟話要買十罐先送一罐喎,
十罐...點拎...=.="
又買左姐弟裝俾佢地2個,
買俾阿女件灰色衫最抵,只係收我28蚊咋(當然係人民幣)~~
返到屋企,成11點幾喇,24號&今日我同老公都過得好開心,
因真係好耐無試過咁FREE啦!!
知老公其實會比我辛苦,
佢第日仲要返工,不過佢知我好想上多次,就點都話陪我上黎,
真係有D感動!!
THX...老公~~
今日亦都好多謝阿媽 入黎幫我睇住2隻野,
唔係既話,我地2個都無得咁FREE喇!!
|
