11.5.7(6)

屯門

小窩米線

今晚阿女跳完舞後,就去左lee到食,

天氣熱,好想食粉,又想食辣,lee間岩哂,價錢又ok喎,

一個餐,包埋凍飲都唔駛加錢!!

我叫左 [紅燒牛肉酸辣紐紋薯粉] (中辣) $22

唔夠酸啫,再酸d仲好味;

下次要大辣先,都唔係好夠辣!!

[五花腩肉麻辣紐紋薯粉] (大辣) $22

好難得老公要我影埋佢果碗,

佢要我影佢食緊果舊五花腩肉幾肥~

老公覺得唔夠麻,又唔夠辣,碗野麻麻地喎!!

第一次食紐紋薯粉,

食落好得意!!

[麻辣豬耳]$15

真係唔夠麻辣!

[香炸雞中奕] $15

真係即炸,好香口,係咸左d啫!!

食辣野,2個細既更係無得食,

只係食雞奕同飲凍檸茶,

阿仔係等家姐落堂時,已食左一份奶醬多,一個人食哂

我一啖都無得食!

阿女不嬲唔係好好街食,

所以佢食左一隻雞奕後就唔再食,

返到屋企就食左成個公仔麵!!

聽日就母親節喇,

咁岩騎術學校開放日喎,

約左fd一齊帶班馬騮去反呢,(其實係兒童節先岩呀?我係咪攪錯左?)

之後就返大埔同媽咪食飯!!

祝大家母親節快樂,日日都咁開心!!