仔仔4月12日出世,重3.13KG,長51CM,飲人奶,身體各樣正常,以表面上黎睇,所以直至出院前15MINS,個人都係好開心放鬆既心情,點知後來有姑娘入黎同我講,話仔仔患有

[葡萄糖六磷酸去氫酵素缺乏症---Glucose-6-Phosphate Dehydrogenase(G6PD) Deficiency--簡稱(蠶豆症)]

我知係咩黎,但無諗過自己個仔會患有lee個症,所以好驚,個人好緊張,放鬆唔到,14號出院,返到屋企半夜忍唔住係咁喊,好彩有老公支持,話好少事,叫我唔好諗得咁大,但真係做唔到,當時係放鬆左,但琴晚又偷偷地半夜喊左出黎,一邊餵,一邊喊....

唔知係咪一來岩岩生完無耐,所以成日都想喊,同fd傾時話自己無事.不過好多時,一到半夜,就會好想喊,而最主要既原因係lee個症,可能未接觸過,又睇到恐怖既字眼,個人就放鬆唔到;
我同老公都無,個女都無,都唔知點會咁,老公話其實個病無咩野,叫我唔好諗到咁大,就如個女有南瓜敏感咁,唔好食,唔好掂到咪得囉,咁我都好同意佢既講法既.,係個人一直都未放鬆到啫!!