2004年4月15日   0950晴晴出世喇   2.96kg   (晴自白出生篇)

唉.......我本應唔諗住今日出世架,但無奈媽咪好開心咁出去接baba收工,之後仲去埋廣華附近行街街,攪到我為有唔令媽咪失望,咪提早出黎囉,呵呵...我真係個乖女...哎呀>,<俾媽咪打左下tim!!唉.....(歎氣已成為我既習慣),

我媽咪諗既野真係唔同d,都陣痛緊啦,仲可以係個待產房度跳來跳去,一d都唔似就快生既孕婦;而且臨生都仲係掛住食,食飽先俾baba走,baba真係命苦...(*.*!!...哎呀...又打左一下tim......

不過,我都好乖咁,無令媽咪辛苦好耐,14號10點幾pm入院已開左兩度,到左7點am,姑娘氹媽咪打左支止痛針,之後8:30am媽咪就呯呯聲咁開到三度,

醫生打俾baba叫佢唔洗急,但媽咪再呯呯聲咁開到十到,果時係9:30am,

醫生又再次打俾baba,baba好勇咁樣由旺角火車站一氣過跑到廣華醫院,

但baba無奈既遭遇仲未完,姑娘見到佢既話我已經出左世,聽到後baba有d唔開心,

因佢想陪媽咪一齊睇住我出世.....好在....係個姑娘攪錯左,媽咪係仲未生既,

baba先有返笑容.....baba入左黎陪媽咪後,我都好努力咁係媽咪個肚度出黎,

終於到左9:50am,baba媽咪等待左好耐既我出世喇!!