今朝老公8點半打返黎,叫我同晴晴著羽裘落街,話條街好凍!!

嚇到我拿拿聲起身換衫,開tv睇,一睇...嘩...原來今日最低得15度咋,屯門仲要再低多1,2度tim;好醒咁同左晴晴換校服後先再去刷牙,咁樣唔會凍親佢,一刷完牙,因掂過d水,雙手就凍到變冰咁!!

今日經建生條路行返學校,因如行返平時果條路,成個人係會食應哂風,真係凍到塊面彊硬哂,行另一條路就唔會,起碼唔會食太耐風先

帶左晴晴返學後,諗住返到屋企瞓一陣先,點知變左執衣櫃,執走哂d夏天衫,換哂冬天衫,晴晴既衫褲就轉哂去隔離房既櫃到,都幾大工程,因佢太多衫喇,用左2個櫃筒,都未放哂d衫架,只係放d平時成日著果d咋好在只有阿珊俾果d未拎出黎啫!!

嘩...我一執就執左成朝呀,由差唔多10點到開始,執到差唔多2點,如唔係book左去做facial,都唔會停手

做facial先攪笑,我book左2:30pm,咁我準時去到,點知幫我做既美容師,掛住幫我禁暗瘡同傾計,攪到遲左半個鐘都唔知,原先4:00pm就完既facial,變左4:30pm先完!!

我一做完,即飛左去吉野家食返碗飯先,因實在係太肚餓喇,早餐只係食左個公仔麵!!

之後就去新墟買餸,hehe~~~依家熟左喇,覺得買餸好抵呀,幾廿蚊可以食幾日,超值呢!!去到晴晴學校只係5:35pm,無遲到!!

不過好攰呀,因琴晚成4點先瞓,之後5點晴晴發惡夢喊醒,氹返佢後,我就瞓到老公打黎,即8:30am,之後就無再瞓過喇,依家一定一達落床,就死左果種!!

原先諗住今晚早d俾晴晴食飯,就早d瞓,但阿珊同綺雯黎左附近,夜晚咁岩黑仔又打黎約食飯,便落左去食飯lu,都算早既,9:45pm就返到屋企,但成個人就好散囉,今晚去左[泰媽]到食,唔知係咪廚師轉左既關係,今晚d野一d都唔好食!!!

走時,晴晴喊哂口話要跟黑叔返屋企,真係傻傻地!!

晴晴一返到屋企,換哂衫後,10:40pm就瞓左lu!!佢今日個樣都好攰,早d瞓都岩既!!

老公唔知係咪出風癲呀,大脾位,身位,出哂紅色點點,好嚇人!!