琴日係結婚4週年紀念日,19號晚提早慶祝左,但正日無理由咁單調,雖然佢要返工啫,咪諗住試下整個蛋糕,俾個驚喜佢,點知唔係驚喜,而係俾人潑冷水;

佢12點前返到黎,先前我已經洗好哂d用具,諗住佢食飽飯後先拎個cake出黎,

點知我出廳整野,佢就打開左個雪櫃,無奈估唔到佢係咁講:

[妳整架?]見我點頭,跟住話[點解唔用野蓋住個cake?].....

真係無諗過佢咁講,果刻真係好hurt,未試過hurt到咁爆,

我話[我岩岩整好架咋,諗住食飽飯後就切黎食,做咩要蓋呀,同埋係我親日做,唔係出面買,我又唔係開舖頭,點會岩岩好有野蓋到個cake呀?同埋未食過架,lee個cake有忌廉架,問過人,人地都係咁樣擺架啦]~~佢真係唔會諗下我整cake既心機同心情,做好時會諗下佢見到個cake會點,會唔會好驚訝或係開心既樣,無奈係向tv劇到先會發生既野,竟然發生左係我身上,好hurt好hurt,好唔開心

琴晚沖涼時,都忍唔住邊沖邊喊左出黎!!

到佢攪好哂自己野,佢竟然問:

[妳以為我鬧妳呀?]........lee句將我個火爆位,緊加湧去高風~~

[咁我都係問下啫,咁雪櫃多菌,妳又唔用野整住,個雪櫃又擺過生野~~]

引唔住,串佢一句:[你有無發現雪櫃有瘦肉果d呀?無吖嘛,同埋都講左人地自己整個cake都係咁放架啦,係切過食過先至用盒裝住,岩岩整好,裝黎仲咩,要裝既,我不如唔好整啦,一用野蓋住個cake已經係花哂啦!]

再之後,我過左隔離房閂埋到門,佢開門仲問:

[妳點解咁好火?]

哼...佢仲未知咩事,仲未知我嬲咩..好憎佢,最後我好白咁同佢講:

[今日係正日,我諗住整個cake黎慶祝下,點知你咁講野,得啦,一陣我會丟左它佢架喇,唔駛食喇,咁多菌.,我以後都唔會再整!!]..我忍唔住邊喊邊講!!

要講白哂佢先明,跟住係有氹我,話切個cake黎食,但我死都唔肯,都無哂意思,切黎仲乜,最後到左1點幾,佢過返隔離房瞓覺,我就上網,跟住同晴晴一齊瞓,到佢返左工,我先返隔離房,瞓醒果刻我都係未嬲完,真係好無心機!!

覺得自己好無用,又唔係做錯事,但一諗返起琴晚既事,就忍唔住喊!

佢今日都有打幾次電話俾我,但我就一個都無聽,仲send返sms俾佢,叫佢唔好返黎食飯,今晚餐飯唔會煮埋佢,同埋我煮野唔乾淨,聖誕餐都唔會煮,費事又再俾人潑冷水!