今日超超超凍呀,仲落埋雨tim,如唔係要去郵局拎袋衫,都真係唔願落街!!最衰自己星期一果日一早返左大埔,唔係都唔駛拎餐c!!

好在有老公係到,唔係都唔知點塞落車仔到好,成7千幾克重!可想而知係幾大袋,放左lee袋野落車仔,都已經放唔到其他野!!

因為太凍,老公就話今晚係屋企打邊爐最好,只係買左舊豆腐,2包廚師腸,少許雜丸(牛丸3粒,芝士丸5粒,豬肉條3,4條,已經要$10)早知唔買,再買左2條粟米,1條蘿白,1個西生菜就返屋企lu;今年係第3次向屋企打邊爐,無買湯底,只係落左雞奕,雞奕尖吊味,已經好ok喇,好彩屋企仲有肥牛係到啫,正呀!!咁就攪掂一餐;之後再煲埋腐竹蛋糖水下火tim,kiki~~~真係飽到唔想郁!!

係打邊爐中途,我對腳無哂知覺,又發現腳腕腫腫地,先知太凍喇,d血無到對腳到,試左吹風筒都唔得,最後老公開左盆熱水俾我浸,先好返好多!!間屋已經閂哂d窗,因打邊爐就開住廁所既抽氣線,估唔到都咁凍!!

一邊打食野既同時,我地開左套碟睇,係狂蟒之災2,cobi睇到眼定定,入哂神,好緊張,但套片係西片黎架喎,都唔知佢聽唔聽得明!!不過佢既表情好豐富,好睇過套戲,條蛇好似係咬左落佢到咁!!