今日去左廣華聽陪產既講座(11:30AM-12:45PM)

我地帶左COBI返學校先,跟住再食埋個早餐,先至搭車出去;

到左聽既時刻黎喇,完全無諗過自己聽左之後,有咁大既反應,真係個心有D滕呀;

個腦係咁SHOW返生COBI時既情況,攪到我越諗越驚,生COBI時真係一D驚既FEEL都無,陣痛呀,入院啦,未生得呀,係醫院走廊跳下行下,再唔係悶既就捉住D姑娘吹水囉;到左大痛時,都要忍架啦,原來都真係好痛下,不過想屙大多D囉!!哦...原來生BB就係咁架喇!!

可能生過既關係,知道係咩一回事,痛又知係點,聽落理應可以好輕鬆咁面對,

然而其實唔係架,就係因為知,所以好清楚自己又要再經歷多一次果種痛,真係一諗到陣痛,就好不安,唔知自己今胎會痛幾耐,唔知會唔會易生,生時驚自己唔識運氣......等!!!

希望只係自己諗多左啦!!

34WEEKS....148.9磅,肚圍39吋!!