今日天陰陰,但我地都如常咁照原定計劃向海洋公園出發,

好準時咁係學校集合,9點幾開車,老師話加左少少錢,會行另一條隧道到達OP,又真係好快呀,都唔夠10AM就已經到左LU

在行車途中,老師同學生有玩遊戲,令學生坐車時無咁悶,玩左唱歌啦,雖然係為開心而做的遊戲,但對於我黎講,覺得好吵,可能咁岩我係坐車頭位既關係掛!!

COBI都算開心既,不過佢當時好似未知玩緊D咩咁,唔係咁集中;反而到玩轉波波時,佢就有反應喇,到第2輪時,明明係話2個波波一齊傳去後面,但坐係後面的家長話唔係,咁唯有拎住個波啦,最後我地係無錯架,係要傳去後面,但已經完左LU,仲變左係COBI要打開個波波答問題,好彩係問佢想要咩願望,個傻豬竟然答話想我買禮物,而份禮物就係要個波

到達OP後,我地就去兒童王國先,首先睇左熊貓,之後再玩旋轉熊貓車,仲玩左2次咁多TIM,之後坐迷你摩天輪,再跟住COBI就同BABA一齊玩兒童青蛙跳樓機,初時佢好期待咁坐上去,之後升高衝下果一剎那,佢個樣又同07年相同,面色係青哂,今次好彩有BABA係身邊,佢先好少少,但尖叫聲都係爆哂燈,當時既情形,我真係笑到收唔到聲!!

之後我地去左睇海豚,玩左轉火車仔,甲蟲轉轉車,就坐攬車出發到另一邊.....去到另一邊,我對腳真係斷左咁制...就去左鯊魚館,海洋館先,之後就食LUNCH喇,今早整定左d三文治,所以今次亦都慳皮d,只叫一個餐食就算!!不過先前2次去,都無買過餐食,係今次預備時間不足,整唔到咁多!!

之後就到左海洋劇場等睇表演喇,係cobi最期待既節目,不過成3:30pm先開始,我地2點幾就到,cobi頂唔住睡蟲,瞓著左;不過.....都好易叫得醒,一話d海豚出黎咋,即醒哂,...今次個表演改哂,算係吸引好多,又有成7條海豚,2隻海獅!!cobi睇到目不轉睛,拍哂手!!

係時候回程喇,好彩係差唔多要走時先落雨,算係好luncky既一日!!

不過都有一段小插曲係唔開心,話明係要準時集合回程,但就有幾家人遲左,令到準時的家長無得上車等!!

上車無耐,cobi已經敵不過睡蟲既呼喚,好快就瞓左lu,到返到屋企樓下食晚飯都唔醒!!

http://photo.qooza.hk/album.php?user=cokichan&albumid=269706 相簿

http://hk.youtube.com/watch?v=pa552ZKQWsk  尖叫短片