今日同cobi瞓到2點先起身,之後就整飯食,係食返琴晚食剩既咖哩薯仔雞奕,再加半罐茄汁焗豆,3點幾4點就食到好飽lu,cobi都食左一大碗飯,佢真係要留係屋企先食到野咁,一出街食就心野哂,唔係點肯食野!!

跟住就要佢做功課,佢好似好開心咁,可能因13號到依家都無返過學,覺得悶啦,所以做功課時佢好定,中文線條同埋假期作業做哂喇,只係剩返英文線條有4頁未做,同埋份閱讀報告,算係好好既一次(係對自己講),唔再臨尾果日先要佢做功課!!