生阿仔到依家,個肚腩仔有成30吋,未見減瘦過,真係有D擔心瘦唔返以前26腰話就話仲係生完無耐,一個月都未夠,但都係緊張囉

已經係餵全人奶,阿仔既食量都OK大,相對自己既食量都OK大唔知係咪咁,所以未瘦得咁理想....唉,不過一餓起上黎唔食又唔得,夜晚一定要食2碗半至3碗飯先夠飽,諗諗下,應該要食返少D先得!!

4月28日同阿仔去過健康院,當時佢就重到有8磅,我就跌到147磅,仲有27磅要減走!!

今日阿仔無咩點瞓,每半個鐘就飲一次奶咁制,最叻係隔2個鐘,攪到我都無咩時間瞓,唔知佢飲左我咁多奶,會唔會令到我修身修得快D呢!!如係得既,佢日日都係咁樣,都好喎...HEHE!!