依家小朋友感染手足口病越黎越嚴重,情況真係好令人擔心!!

今日接COBI放學,白板放左係校內既中間位置,寫左:[已有4名本校學生感染手足口病,....],嚇左一跳,問老師係咪會停課,話暫時唔駛,聽日會有衛生署黎檢查學校,係CHECK左有問題先停課!!

好在成日都叫COBI洗手,所以都唔太擔心,不過到左學校,就唔知佢係咪都咁乾淨!!

都幾放心學校既做法,佢地已經係上星期開始,就要學生洗左手先入班房,後就再由班主任檢查手同口先再食早餐,一有少少懷疑,就要家長接返走,就算家長話唔係,校方都要家長帶學生去睇醫生,等醫生證實唔係,先可以返學!!