今日去左染髮,後再同老公出左市中心睇相機,因COBI 7月就有畢業典禮喇,要拍短片先得,舊果部由04年用到依家,可以抖下喇,最主要舊果部無得放近黎拍短片,唔係都唔駛買過部新!!

初時係想揀返CANON,不過好貴,同埋大部,最後揀左CASIO既Z 80,

初時係豐澤睇先,之後再到百老匯睇,因有得分期,就係百記買啦,不過無哂黑色,就又行返去豐澤睇喇,問個價錢,仲平多一百蚊之餘,仲送埋其他野TIM,但就要買夠2千先可以用其他卡分期,最後就加埋3年既相機保養費,就成交左喇!!

相機只係一千六百幾咋(800萬象,錄短片時可放近放遠,邊攝錄之餘又可影相...仲有好多功能架),

有4G卡,2舊電,其他相關配件齊哂,再送枱上腳架,鏡頭布,相機盒套(因唔太滿意個套,最後有成3個咁多),顯示屏防花膠貼,保溫杯,DHC護膚品試用裝(LEE個贈品真係O哂咀),仲有USB讀卡器!真係好豐富既贈品呀!!

個保養都好正,保3年,係豐澤保,佢地會SEND返CASIO廠整,

中途就算係自己唔小心整跌左落地SHORT左啦,入左水啦,鏡頭甩啦,總之部相機點都有得保,真係超值,保3年都只係加2百幾蚊!!