今日係老公OFF,約左阿珊,同埋佢2個寶貝仔女TEA,

阿珊見到昊哲,就好想抱喇,不過初去到時昊哲瞓緊,先唔抱住,

唔知係咪知珊姑姐想抱自己,昊哲好少可出街會醒,幾次出街,佢都瞓足全程咁制既,

咁難得,阿珊緊係話要抱啦,仲唔捨得放底佢TIM喎!!

COBI係姑姐面前乖左少少,佢真係好怕今晚要係姑姐家過夜!!

之後昊哲肚餓喇,就諗住落商場一樓餵奶啦,先前都問左服務員小姐,佢又話可以餵奶喎,咁咪抱個仔落去囉,點知落到去,真係好想轉身走就算,差過市中心既好多,只係一間好細既房仔,無得坐,換片處睇落唔乾淨咁,同埋無得坐點餵奶呀,就算餵奶粉都唔得啦,房細之餘又有一陣味喎,最後都換左片先上返茶樓(要用廁紙抺幾轉個墊祳先敢用);見返果個服務員,問佢仲有無餵奶室,佢話無,只得果到,我話係餵人奶,果間房布仔都無,唔方便,佢竟然問我去殘廁餵得唔得,更係唔得啦,咁污糟!!估唔到佢竟然咁都問得出!!對卓爾居既服務員有D失望!!

即賣單,趕去市中心餵奶,雖然市中心育嬰間哺乳位既摭擋布,有少許殘舊又扣唔得哂D扭黎摭擋,不竟已好好多,有得坐,空氣亦好D!!

後再同COBI去左冒險樂園玩,又係影左相,同埋拍埋片TIM,因都好耐無同佢去玩過喇!!跟住再到數碼通拎埋新手提!!

後來去左豐澤搵人教相機SETTING既野,點知就無左D相喇,唔知係個SALES禁錯制,定係自己係唔知情既情況下DEL左,總之今日影既所有相都無哂!!

老公個FD約食飯,就去左明星食,我地叫埋黑仔去TIM!!因無哂D相,今晚既胃口都差左,食少少就已覺飽!!