10月19日
 
聽日我地過東莞....我地成班夜晚係公司決定今晚返去泵骨~
不過成9點先係公司走.....之後仲要返屋企執野......
我仲以為我會遲到.....點知去到佢地個個都未到......
之後就係九龍塘火車站度等........等左勁耐........
因為有d住得比較遠d......岩岩等齊人就上左尾班車....真好彩!
過到東門果邊......首先我地d女仔就去左整甲同整頭......
男仔就係樓上篤波........我地整到2點幾3點先整完走得.....
之後就去搵野食啦......個個都勁肚餓呀!!!
我地去左食海鮮~哈哈!!!食完野之後就拿拿臨去泵骨!
 
10月20日
 
今朝泵完骨.....已經成8點半...... 之後就唔理啦.....訓返陣先.....
9點幾就比人叫醒左.....因為要換3走人喇.....
但埋單果時用左好多時間.....d人都唔知點做野咖....
d單計幾次都未計到......我地仲要勁趕添咖!
今日先係香港過羅湖既人已經到哂.....
我地反而係最遲到既1班......my god!
 
雖然訓得果1個中.....但唔知點解我唔覺得眼訓....反而仲好精神!
之後就坐車去東莞太子酒店......聽左成日.....
夜晚就去上宛酒店住.....我地7個女仔1間房.....
原本以為會幾逼下......點知間房超大!!!哈哈哈!!!
仲好鬼死靚添~~~~佢地個個都好羨慕我地間房咁大!呵呵!
我地1邊寫目標1邊輪住黎沖涼.....之後搵人出去買宵夜.....
食完宵夜之後再繼續寫......寫好哂之後諗住訓覺既~~
點知elaine話影相......跟住我地幾個就係咁係度影影影.....
不過果時小桃已經訓左......我地唔可以咁大聲.....
癲完1輪之後就齊齊訓覺lu.......因為聽日又要好早起身....
 
10月21日
 
哇.....今日真係好唔掂.....超眼訓呀!
係咁撐大隻眼都頂唔順!!都係中下中下咁!!
好彩去到中段有d野剌激下....之後精神返d.....
如果唔係都唔知點算.....因為我坐第1行....比人見到咁就唔好啦!
夜晚完左之後就去左食飯......之後等部車黎載我地......
不過部車仲未到.....咁我地就係度圍"妹".....
玩左好耐......我地又大聲wo.....嘈住佢地傾野添.....@.@"
之後坐車過皇崗.....之後就返屋企....
 
呢2日既特訓咁就過左喇~~~真係快!!