日頭係屋企玩電腦囉.....
之後晏d阿鋒online就同佢傾計......
到到4點中....沖涼換3果d.....
夜晚食完飯之後就落樓下搭車出旺角....
首先陪小儀去睇鞋先....因為佢話諗住買鞋....
買完鞋之後就去左睇眼鏡喇.......
因為我諗住佩返副間唔中拎出黎戴下...哈哈!
其實好耐之前已經想買咖喇.....不過睇唔岩d款.....
勁搞野囉.....真係唔知好嬲定好笑呀~~~

話說就咁啦....我地入左A-LOOK度睇.....
之後揀左副好似太陽眼鏡咁款既框~
不過就佩返有度數既鏡面囉~~~呵呵....
咁我揀好左之後好正常就上去驗眼啦......
開頭好簡單咁驗左1次先....我問佢幾多度....
果個人話150.....我之前係200咖...依家淺左...
之後果個人話1陣會驗多次長細d既.....跟住就落左去...
無耐....有第2個人上黎入房幫我驗眼....
但佢話我揀果個框面彎得制....如果佩有度數會好暈果d....
佢問我揀唔揀過第2副.....定係照用返果副....
之後我咪落返去揀過囉....但1落到去就聽到其他sales話...
"痴線咖~佢話呢隻有度數戴唔到wo~我之前先賣左副"
當我聽到咁既說話既時侯就梗係係度質疑啦....
咁即係得定唔得呀????之後我走過去問果個女仔~
經過1輪討論之後我揀左另1隻白色框既....
跟住又上返去驗眼.....小儀係房外面等我.......
驗完之後我諗應該差唔多走得啦.....
但我有野唔明咪問佢囉.....點知佢好鬼長氣囉!
我只不過係問佢戴住眼鏡去玩電腦會唔會容易加深近視姐.....
之後佢就好似係度教書咁wo.....仲問我知唔知咩叫近視...
仲拎埋張眼圖出黎講解添!我暈喇.....我根本都唔想聽...
佢講d野同埋佢既語氣呢....好似覺得自己好勁咁!
我超無奈囉....但仲要對住佢笑wo........
我又唔可以話"你好煩呀~我唔想聽~我想快d走"咁咖嘛...
佢講緊果時我心諗...唔怪得下面d人咁唔中意佢啦....
幾經辛苦我終於可以踏出果個門口.....
出左間舖之後小儀問我佢同我講d咩講咁耐....
仲聽到佢講野好長氣同埋覺得佢係懶勁咁~哈哈!!

眼鏡要星期5先有得攞.....之後我地就搭車返屋企喇~