e~~今日呀~~老細無啦啦叫我幫佢dl咩<黑太陽731>wo~
dl完之後佢仲起勢咁叫我地快d入去睇.........
我睇左幾秒之後就即刻走人.....真係太核突太令人作嘔喇!
真係唔明點解佢地可以睇哂....真係啞左....

收左工之後過左旺角.....同阿哥佢地食野~
阿君就約左佢家姐~不過未到~咁我地就行住街先....
我買完野之後就諗住過去搵佢地啦....
點知阿哥話要陪個fd過返深水po買電話先~1陣先過返旺角wo~
搞到我同阿君突然之間都唔知去邊好......
之後諗起要去匯豐"禁"錢....so就過左去~
跟住阿君陪我買完野就走左~因為佢家姐已經到左.....
之後我咪自己行過去搵Jason囉~~嘻嘻!
同佢傾左幾句就走lu~因為佢食緊野~唔想阻住佢~

之後就過左去搵阿哥佢地.....同佢地周圍行行行....
行到9點半就過小肥羊打邊爐.....
原來佢有個fd今日生日....呵呵!
食完野...就叫人拎個蛋糕出來....
不過個蛋糕超級超級勁爆sweet囉!!
完全食唔落~我食左1啖仔就無食到...哈哈~~

跟住係街度行下....行到去家樂果邊....
哇!!壯觀咯....勁多電單車囉~仲要部部都好型好整齊咁泊哂係路邊!
不過唔知佢地係度做咩....總之好嘈~
過左無耐....佢地就1齊開走左....好似賽車咁~
我諗果度都有20部左右咖....
之後我地又行返返去旺中果邊.....請問發生咩事呀?
做咩要係街頭行到街尾再係街尾行返去街頭呀???得閒得制??
但阿哥竟然話食飽行下....當做運動wo...激暈....!

之後諗住可以返屋企啦.....因為我實在太眼訓喇...
尋晚又訓得唔好wo~仲2次將夢同現實混淆左添....
點知阿哥又有fd約佢去食糖水.....
所以又去左松記....食完先有得返屋企....訓覺~