頭幾日就晚晚同表哥距地出去玩.....
日頭好少出去.....因為無咩玩同埋好哂~
所以有時晏晝過去阿姨度玩電腦或者同小寶玩~
夜晚食完飯...睇完東方之珠>過多陣就出去....
我最中意去打機.....玩打籃球同埋好似老虎機既機~
如果買中左既話佢就會跌d金幣落黎~好正咖!
有次我贏左幾十個金幣....哈哈!!好西利!!
不過原來d金幣係可以拎去退錢咖~我唔知~
所以係咁玩....玩哂d金幣為止....蠢左.....
有時又去食燒雞翼....超好味~~我最中意~呵呵!

上個星期6(2號)同阿姨佢地去左錦江溫泉度玩~
不過阿媽唔浸.....所以阿姨就陪佢係出面周圍行下....
我就同表哥佢地入去玩~哈哈!!
入面好鬼大~~~有勁多唔同既池~~
冷熱水都有~有d可以係個池入面打藍球同排球~
有個係激流~d水流好急....我唔夠膽落水....
我淨係坐係個池邊伸對腳落水度~對腳已經差d比d水沖走咁制!
之後浩浩表哥(哈哈)買左個大水泡比我先敢落水咋....
跟住我地又去玩沖浪....我地3個攬住個大水泡走去最前....
因為前面係浪既源頭~好玩d.....不過走得太近我又驚wo~
d池水原本係我大脾咁深....但個沖浪開始左之後變到我隻腳掂唔到地咁高~
我地仲要去到最前添....我攬住個水泡攬到隻手都累哂~哈哈!
玩左半個中就玩完~之後我地又去其他池度浸~
行行下見到有個特別泉區....入面有好唔同種類既泉~
有玫瑰泉,連理泉,陳皮泉,酒泉,人參泉,女貞子泉(唔知咩黎)...等等~
仲有d唔記得左.....我地差唔多個個池都浸勻哂~哈哈~
玩到10點幾就沖涼換3走人.....玩完之後好熱~完全唔覺得凍~
仲好肚餓添.....我地搭的士返去...之後食埋宵夜先返屋企...
但唔知點解浸完溫泉之後成身好似好累咁....我訓左好耐先訓得著~.~"..

星期日....晏晝過左去表妹果邊.....
見到佢札住2條辮仔真係好鬼死得意!!
同佢玩左陣....阿姨打黎叫我去行街~
表妹又話要返去佢舅母度....所以我就同左佢返去~
原來佢未做哂d功課~唔怪得佢話要返去啦~
之後4舅母教佢做功課.....我就住係表妹前面望住佢做~
佢計數真係好得意.....伸哂10隻手指出黎...之後續隻數....
過左陣~阿姨打電話黎吹我~所以就走左....
同佢地行完~去左超市買bbq d野.....
係阿姨屋企個花園度bbq同打邊爐....
因為阿姨知我中意食燒雞翼...所以就買左d雞翼同其他野返去bbq~
仲叫埋表哥佢地d fd去添~~哈哈~好熱鬧!
浩浩表哥真係好鬼大男人~要人地燒比佢食~頂佢唔順~哈哈!
之後佢話佢讀書果陣~d女仔叫佢做浩浩咖wo~笑死我!

尋晚同智文佢地去左打邊爐.....嘻嘻!!
唔知點解佢地拎左好多雞蛋返黎....
但又無乜人食wo.....好好笑囉~~
食到最後淨返哂d雞蛋係度....哈哈哈~!!
打完邊爐我地去左打機....好開心....
我打籃球玩到200幾分~真係覺得好勁~~
佢地都唔夠我多分....ya!!!哈哈~~
之後玩老虎機又贏左d金幣....拎左去玩篤篤機~
梁鳳玩跑貓....好搞野.....佢贏左百幾分呀~
跟住我地又玩埋1份.....玩到無哂金幣就走人.....

打完機...我地又去左篤波....我同梁鳳玩1張檯...
因為我地2個都係唔係好識玩果隻....
我地玩左4埔....4埔都係我贏~~
今次好似比上次進步左~下次返去再玩過~哈哈!
最後我地去食宵夜.....之後就返屋企執野喇~