今日去左清水灣玩......呵呵....
我地係鑽石山搭車過去....都搭左ok耐下....
去到....超級哂囉!!仲有好多人添.....
之後好快我地就搵到位....放好哂d野就落水玩....
不過我地都唔識游水既....又無水泡wo....
所以我地都淨係係度玩水.....哈哈....
玩到咁上下就返返上去.....太哂喇~~~
我地係度影相.....同陽光玩遊戲~嘻嘻!
之後無人落水玩...個個坐哂係度....
櫻之就訓左係度哂太陽......
阿君就拎左副牌出黎玩....櫻之又話要玩~
我地個個都唔比佢玩...叫佢哂佢既太陽~哈哈!
我地玩完鋤dee之後玩"妗棉胎".....櫻之都玩~
我好叻呀....玩左咁耐都無輸過~不過櫻之就成日輸....
差唔多成副牌都係佢手上....阿儀就係度話佢蠢....
哈哈....太搞笑喇.....笑死我喇.....
成班人無聊到死.....竟然坐哂係度望女仔.....
之後我地玩堆人.....第1個係阿君....之後係櫻之....
阿君同彼頭2個好核突囉....係度吐口水.....\\\\><////
玩多陣....我地3個女仔就去左沖身.....勁多人呀!!
搞掂哂之後就執野.....之後上去搭車走人.....

阿君同彼頭返屋企....我地3個就過旺角cafe食野.....
我地食完係度玩層層疊....櫻之次次都拎d邊邊果d....
之後我又學佢拎邊邊果d....搞到最後好牙煙....
個個都驚趺.....小儀好奸呀....用手扶住唔比佢趺...
玩到最後櫻之輸左...哈哈....跟住小儀係咁話玩大富翁....
我同櫻之都話要玩好耐...所以無人同佢玩...佢唯有放棄~
搵左好耐唔知玩咩~最後又係揀返層層疊...不過今次係木既...
我地超級無聊...係度砌木條.....睇下邊個砌得最高又唔趺...
我砌到好似第7條(唔太記得)有少少想趺.....
櫻之好衰呀....係咁忍我笑....叫我拎住唔好放手wo....
搞到我隻手係咁震.....最後趺哂落黎.....