|
今日polin放假.....得我自己開舖......但我成1點先返到......
因為平時polin都日日遲....搞到我都懶埋...咁遲先出門口~
開左舖無幾耐就好多人....其實都唔算多人既......
只不過3個師奶+3個細路係度揀字阻鬼住哂姐......
阿君又要記低其他人要咩.....我又要燙野~都唔得閒理佢地....
果班咁既人.....係咁係度死揀爛揀....整到d字亂哂!
仲整趺阿君個fkc......d野食同野飲趺哂落地...整到濕鬼哂!
如果比alex見到肯定鬧鬼死呀.....所以我即該拎紙巾抺...
我同阿君都好興....已經夠煩夠多野整咖啦...
仲要比多d野我做~~~真係激死!
之後淙仔過左黎....有佢幫手燙先唔洗搞咁耐咋....
不過都搞左成個幾2個鐘!真係頂果班人唔順呀!
仲諗住花園街果邊唔開.....點知淙仔話要.....
我同阿君聽完之後都好驚訝.....因為淙仔發緊高燒....
我問佢地做咩唔同老細講.....淙仔話佢地係咁咖wo....佢都慣左...
痴線咖咩.....發緊高燒都仲要人開檔...神經病咖!
跟住佢地2個過左去果邊開檔.....我就自己1個係度....
今日唔知做咩wo.....心情勁差囉.......
野都無食.....淨係夜晚8點幾9點果陣叫aunt買左5蚊4件果d食...
aunt話我扭計所以唔食野.....係鬼~~無心情姐~~~
唉~~~都唔知做乜.....想果個打黎佢又唔打....
唔想果個打黎佢又1日打成幾次.....1係就send野過黎~煩到乜咁!
究竟做乜咖???天呀~~~~做咩要咁玩我姐????
佢話我每次見到佢都bad面.....之後我同阿君講....
阿君都話係wo.....但點解我唔知既???我真係唔覺wo~
唉~~但我真係唔想對住佢囉....搞到我好唔自然呀.....
都唔知點咁....又無野同佢講wo.....妖~~~!!
| 
