最近都唔知做乜.....好似同以前唔同左咁.....
係好唔同至岩!唔知佢有無咁樣覺得呢???
以前佢會哄我開心,關心我....激嬲我會哄返我...
但依家已經無乜lu....係咪因為我對得佢太好??
下下咩都讓佢就佢....所以佢得寸進尺??開始唔洗理我感受?
成日都為左d少事搞到大家唔高興!!!

好似同佢1齊玩飛行棋咁(qq game果隻)...
佢都成日撞到我d棋啦!我都無好惡咁鬧佢...只得無奈...
而我只不過係間中好少數咁撞左佢1隻姐...佢就發哂嬲要殺人咁款...
你撞我咁多次我都未出聲啦....我撞你1隻就咁大件事??
我講出黎唔係想話佢d咩....畢竟只係遊戲黎姐....
但我激氣既係佢做乜咁嬲先?我又唔係突登既!

依家覺得自己似保母咁...沒有被愛的感覺....
2個人嘈完但次次都係我哄返距先....明明唔係我錯但又要我認錯...
我知道自己太心軟....唔嬲得佢耐.....
呢個係我既弱點!!!!真係想打死自己呀!!!!
可能對得佢太好...所以依家變左有咩事佢都會發我脾氣先...
明明我都好嬲咖....其實我嬲人根本唔會嬲得耐既加上我又心軟...
只要佢讓下我..講幾句好聽既說話我就已經消左氣啦....
但佢偏偏係要同我斗氣!!你有脾氣我都有脾氣...
無可能下下要我讓步的!忍得多會嘔血!
其實係咪每個男仔都係咁咖呢??
開始果陣就對你好好~咩到讓你就你...但耐左就180度大轉變...

其實果日同佢地食壽司...Debby講既野...我1直都有擺係心度...
佢話[[[不知情的第3者是最開心的]]]..(可能你地唔明呢句野點黎)
佢仲話[[[你次次返去但都無1次係去佢度..而且佢次次都有藉口叫你唔好去]]]
跟住我話[[[痴線!梗係唔係啦]]]
因為我唔想比人知道我唔開心我介意....所以我扮無野...(係咪覺得我好偉大呢?哈哈)
我知道我唔係....我亦都無懷疑過佢....
只係直覺話我知佢有野暪住我...唔理係幾咁芝麻綠豆既野...
總之我覺得佢係有野暪住我....而呢樣就係我介意果句說話既原因!

唔理係咩事我都寧願佢講真話...而唔係講1 d小小既大話黎暪過去...
真話可能聽左會唔開心1陣...但起碼好過知道真相後果種感受先!
如果你認為唔係d咩事既話...咁點解唔講真話要講大話?
我相信世上無人中意比人呃的!將心比己...你唔中意人地呃你,我都唔中意!
有時講左d野出黎....佢話我懷疑佢...唔信佢...我都唔想咁樣...
只係你要人地信你...但你講既野又1時1樣...你憑咩要人地去信你?????

可能你地會覺得我打埋哂d咁小事既野....
但往往好多野都係因為d小事累積而黎的....
我講出黎只係想將心裡面既野講哂出黎...
依家覺得舒服哂~~~~~~~~