成日見到街上既情侶1齊行街,去玩我都會好羨慕.....
我都好想好似人地咁樣.....可以成日見到自己男朋友.......
如果早多幾日.....我能夠主動d自己作出決定既話....
依家我都可以好開心.....唔洗再對人歡笑背人流淚.......
阿姨成日都問我.....

點解唔叫阿鋒返黎陪你玩呀?
阿鋒係邊呀?你唔洗陪佢咖?
做咩唔同阿鋒去玩呀?
佢唔搵你去街咖咩?咁仲要黎做咩呀,飛左佢啦....

我只可以答....佢要返工......佢要做野....
2表哥女朋友係加拿大返左黎.....係香港玩幾日再返恩平....
聽阿姨講話佢女朋友原本諗住4月果時返黎既....
但表哥4月唔得閒,唔比佢返住wo.....依家表哥得閒可以陪佢玩....
我覺得表哥對佢女朋友真係好好.....會特登安排時間等佢返黎同佢玩....
佢話要減肥,表哥又叫佢唔好減....減肥對身體唔好.....
雖然平時表哥無講d乜.....但睇得出佢對佢女朋友真係好好.....
過幾日佢地就可以見到面喇.....每次諗起我都覺得好羨慕.....
又覺得好唔開心......我都好想可以同阿鋒見面,去玩......

我見阿娜成日都發kingkong脾氣.....雖然有好多野我唔知.....
但係我平日同佢地相處.....見阿娜好少野都會鬧kingkong....
我唔明白點解咁少事都可以鬧1餐....而kingkong又次次都忍讓佢.....
佢有個咁好既男朋友....但佢又唔識珍惜!成日都鬧交又發脾氣又話要分手咁!
而kingkong又會次次都哄返佢.......

之前5月becky自己飛去英國搵佢男朋友......
渡過左1個好愉快既假期......
佢男朋友係英國讀書....依家放暑假返香港玩.....
每日都行好遠路去佢屋企接佢......對佢超好.....
佢地日日都出街....睇戲,食飯,shopping.....

身邊既朋友都有個對自己咁好既男朋友.....
我都好想好似佢地咁.......但點解我得唔到既?

係阿鋒同我講佢去左英國既第2日....Debby打比我...
又係問我同佢點....見左未?又話1齊去動物園果d......
之後Debby話好憎佢...對我咁衰叫我飛左佢....佢介紹d朋友比我識wo......
我拎住個電話無乜點出聲.....因為我唔知講咩.......
我記得我淨係話"咪又係咁,無咩感覺".....
其實點會無感覺吖....我只係唔想佢係你地心目中既印象更差姐....
所以我無同任何人講佢去左英國......去果邊做野呢件事.....
我同佢地既諗法唔同.....佢地長年都係香港...又無乜係外國搵食既親戚...
如果我同佢地講佢地1定會覺得係香港都可以搵野做,做乜要去咁遠....
佢地淨係會睇到,阿鋒去左英國,我地就見唔到面呢樣野....就會覺得佢更加衰....
雖然我都知係會見唔到....但去果邊做野的確比香港好.....
而且佢既理想都可以快d實現......所以我唔可以咁自私淨係識諗自己....

我記得上次睇相,果個女人話我既另1半仲未出現.....
我唔知呢個"出現"係指我仲未認識定係未出現係我面前.....
當時我無留意呢樣野....所以無問到佢.....
不過點都好啦.....呢d野都不能盡信....命運係掌握係自己手既!

我覺得自己做人做得好辛苦.....好在意人地既眼光......
又成日都顧慮人地既感受先.......
明明自己唔開心,但對住人果時仲要表現得好似無乜野咁....要笑....
無人既時候先自己1個係房度喊.....點解我要咁辛苦???

我又覺得自己好矛盾.......
我知係英國做野可以搵多d錢.....咁係好事黎咖.....
但另1方面我又成日都係度自己呃自己.....
個腦成日係度諗佢過去玩下咖姐.....遲幾個月就會返黎搵我咖喇......
但係事實又有乜可能丫.....我知佢係寧願放棄愛情都唔會放棄理想既人黎!
所以我唔會逼佢.....我會等佢返黎.....
佢選擇過去並唔代表佢唔中意我...唔愛我.....我明白咖....

不過希望佢下次作出任何決定之前同我商量左先......
有咩諗法有咩想知既.....唔該自己同我講,自己問我....
溝通係2個人相處最重要既野黎......
我發覺依家我地少左溝通.....好多野佢都擺係心度唔同我講.....
所以我唔知佢既難處...佢既憂慮.....先會諗野淨係諗自己.....