今日破例用口語~ 因為好開心呀~ XD
今朝終於可以正正常常咁起身啦~ 不過係張床果度碌黎碌去, 好"反"呀~ (唔洗咁早去游水真係正呀~)
不過阿哥又係黑口黑面, 討厭呀!~ 見到我起身就叫我洗碗(6日)！唔制呀！所以我走左落街買包食~
新開果間面包店d野同以前一樣(嘛嘛地, 太甜...... 肥左!), 價錢仲貴左....... (我想慳錢買<<彩雲國物語novel 5>>架..... )
返到屋仲未做"青出於藍", 所以睇"今日是魔王"(早前借左比 Abby, 依嫁返黎啦~) 阿哥係度眼超超(望咩望呀?! 我係要遅d先洗碗呀! 吹呀!) 最後我到睇完"青出於藍"先洗琬, 哈哈~ 激死阿哥~
洗碗既時候發現無左個"唔知嘜", 走左落街買, 阿哥仲以為我去搵松松, 講真, 我果時真係想搵松松反, 但係d碗點算...... 返到屋企拿拿淋洗碗, 但係有d污穢中生長既蟲係到 fly 下 fly 下, 令我諗起"魔蟲口入"........(我洗碗既時全程閉口)
洗完..... 歷時2.5 小時.......
洗完之後立即沖涼, 阿哥心情大變, 比我睇"女王的教室"一集, 又比我玩電腦, yeah~ (可能阿哥唔意d蟲呀...... 嗯嗯! 一定係!!)
上上下網諗起<<彩雲國物語>>, 就去百度搵下, 比我搵到佢既漫畫同歌, 仲可以下載, 發達啦~ (今日真係多野睇~)
|
