我今日好開心牙．．．
我平時喺學校同D同學都冇野傾ge，就算D同學有咩野都唔會問我or同我講ge
但今日佢地諗住叫Ｍ記外賣，佢地周圍問人有冇人想食M記，我本來都唔知咩事架，但有一個同學行埋黎問我叫唔叫M記外賣，嗰時我個心真係好開心，因為我根本冇諗過佢地會問我叫唔叫架，所以我覺得真係好開心
到咗午膳ge時候，某D同學落咗去得外賣，有D就留喺課室度等人地拎D外賣上去，我本來都係留喺課室度等架，但落去拎野嗰D都係女仔所以我都落去幫手，我地將D外賣拎上班房，我地拎到入班房ge時候D男仔好似十年冇食野咁狂搶，但個個要ge野唔同所以搞到好亂，不過好彩最後都可以搞掂晒
午膳完咗之後ge三堂係多元活動堂，每個人去自己所屬ge學會上堂，我所屬ge學會係動漫學會，不過今日因為嗰個好鍾意睇卡通ge阿sir出咗去聽講座所以由另一個miss開卡通比我地睇，我覺得e個miss好似唔係好識卡通，所以佢又播上次阿sir播ge IQ博士，我之前播嗰時都冇乜睇過係之後差唔多放學我先睇
放咗學之後我留番喺班房整壁報，我同三個同學留喺度整，我本來都唔知做乜我只係喺度畫黑板，但之後佢地叫我幫手我不知幾開心，我地做野嗰陣仲有講有笑，最後我地''汁''埋D野準備走，我地一路''汁''一路喺度講鬼故
我升咁上中四都一個月la，今日係我最開心ge一日黎架，我希望其餘ge日子都係可以咁開心，喺中四留下美好ge回憶
|
