今日雖然係星期六，
但我今日都係要番學，
不過我今日係番學校ge制服團隊姐，
但其實我唔係好想番，
因為今年又話要考咩編織章，
我根本都唔鍾意織野ge，
而佢又唔比選擇權我地揀考定唔考，
但咁都算la，
今年教我地ge嗰個新黎ge老師我真係好憎佢囉，
我同我D某同學已經參加咗e個制服團隊四年，
我地自己都已經對嗰D步操ge動作好熟，
但嗰個咁ge新老師喺度教番我地轉頭，
如果佢係識我都冇咁激氣，
但佢係完完全全唔識，
佢又喺度扮晒野咁，
喺度教我地D舊生步操，
佢真係煩到死囉，
我地舊生做嗰D動作根本就一D錯都冇，
但佢又話e度錯嗰度錯，
我真係頂佢唔順囉，
我希望佢快走，
唔好再喺我地學校度教，
我今日放團隊ge時候唔知點解行行下無端端趴街，
不過好彩冇乜野只係得小小痛姐，
我放學冇幾耐就打咗比艾德，
我同艾德佢雖然傾咗唔係好耐，
但同佢傾計真係好好笑囉，
到咗夜晚，
我同D屋企人呀親戚呀一齊去小欖燒烤場燒野食，
我覺得好悶，
但我打比艾德佢又唔聽我電話喎，
咁我咪打咗好幾次比佢，
最後佢都有聽我電話，
但佢嗰D屋企人真係好煩囉，
成日都吹艾德佢收線，
艾德佢成日都講話自己唔鍾意傾電話，
其實我諗艾德佢唔鍾意傾電話ge原因可能係因為佢一傾電話佢嗰D屋企人喺咁吹佢收線，
如果我屋企人係好似艾德佢D屋企人咁吹我收線，
咁比我我都唔鍾意傾電話la
|
