今日我去到嗰度ge時候
我啱啱諗起我未同康康佢地講關於[巴拉撤]ge事
咁我咪去同佢地講囉
佢地聽到之後都話未聽過有[暗黑森林]哩個地方
我諗嗰個地方可能只係某段時間先會出現
我地諗住搵D文件睇下有冇有關ge資料
我地諗住聽日開始搵
聽日開始我地有要好忙la
我遠距離見到康康佢行黎行去
咁我咪走過去睇下康康佢做咩囉
我過到去ge時候
康康佢同我講聽日開始我可以出城
我聽到都有D奇怪
因為康康佢話我一個禮拜唔比出城
但係e+佢又話我可以出城
但仲未夠一個禮拜
康康佢話因為我尋日冇答應小有佢地一齊出城行
咁就知我遵守我同佢ge承諾
康康佢見我咁所以佢先會准我聽日開始出城(好開心^^又可以出城)
今日我見到佢地好似想出城行下咁
小有佢見到我ge時候叫我一齊出去嫁
我本來係想答小有佢[好]嫁
但係我出聲之前我突然諗康康佢罰我一個禮拜唔出得城
所以我最後都係留喺血盟城
但嗰時我一個喺好悶
小銀佢又同小有佢地出咗城
古蕾塔佢又訓咗覺
喺我無無聊聊行黎行去ge時候
我見到古雲佢好急咁喺我面前走過
咁我咪同古雲佢相反方向咁行
睇下古雲佢做咩走得咁急
不過我諗都係因為嗰件事
我走咗冇幾耐就見到亞尼西亞佢走緊過黎
我果然冇估錯
真係亞尼西亞要搵古雲佢黎做實驗
亞尼西亞佢見到我就問我見唔見古雲佢喺邊度
我本來都唔想講嫁la
但亞尼西亞佢話如果唔講要我幫佢做實驗
雖然咁樣做古雲佢會好慘
但我最後都係同亞尼西亞講咗
過咗一陣之後我聽到有好大聲ge爆炸聲同慘叫
我仲見到有好黑煙吹出黎
今次古雲佢又成為犧牲品la
今日我去到血盟城ge時候
我見到白狼佢隻腳有血
我問白狼佢係幾時受咗傷
白狼佢話頭先自己出去嗰陣比人唔小心用劍插親
之後我幫白狼包紮傷口
不過我睇傷口都幾深下
但白狼佢流ge血唔係好多
而且傷口都好似開始好番
原來白狼佢ge回復能力都好勁
咁重ge傷竟然可以咁快好番
今日小有佢同我一齊去康康間房搵康康佢道歉
我地去到康康間房門前面ge時候
嗰時我真係唔係好想去搵康康
我本來想走嫁
但小有佢叫我今次一定要同康康佢道歉
我聽完小有講之後我咪開門入去囉
嗰時我見到康康佢喺度做緊野
我同康康佢講咗[對唔住]之後
康康佢慢慢咁行埋黎
康康佢行到我面前ge時候佢踎喺我面前
康康佢同上次打我一樣
一路摸住佢上次打完ge嗰邊面一路同我講野
其實我知道唔理咩事只要道歉人地會原諒自己
