唔知係咩原故..呢幾日既心情都唔太好..
係日子近...定係份工好煩...定係其他事... ?
我個腦好似好多好多野諗...當我訓低一個人靜靜諗既時候...
個腦就空白一片...

網吧呢一份工我最後都頂唔順..基於各種原因..
我最後決定左唔做...不過佢又未請到人..
拖下拖下就要我返埋今星期..但我今次立場好肯定...
返到星期三我就唔再返! ...

放假前最後一日返工.衰佬黎左陪我返工.
同我食左個早餐.叔屋企一齊做豬.期後留低左4日.
陪左我足足4日.時間過得好快但好開心好幸福.因為有您係身邊!
訓得多左.近排有d好得意既野發現...好似平時你tum我訓...會自己訓著先...
你會無啦啦講d完全唔明既語言[豬文]或姐唔關事既野..
最好笑係我問你我係邊個...老婆係邊個..你仲笑住咁答...
哈..點知起身講返你知你先有印象... 嘻...呢一個咁傻咁蠢咁低b既
就係我最愛同唯愛既老公=P 嘻.好可愛好得意<3 好似小朋友要人tum但我好愛=]

聽日要返工.又再回到冇衰佬既地獄/.今次返日抖.用電腦更加更加貴.
人多左我相信時間更加唔好過....尤其我討厭天光...唉-^-'電話又冇咁多電..真係悲哀
返工就好似與世隔絕咁...好灰好灰...真係好唔想返份令到我好灰好唔想返既工!.v.'
諗起好掛住衰佬b.諗起返工有幾咁悶.冇用電腦又唔夠電長講電話.就真係勁唔想返...
心情都差哂差哂差哂. WtF! 咩工黎! 搞到人地咁! 黑人憎 .v.'

前日朝早訓唔著睇衰佬手機睇下有咩玩.睇下我地D相相.聽下歌.
點知比我見到有一段錄音. 一段唔起眼我之前冇聽過既錄音.
聽到並唔算好出奇.因為衰佬XANGA 我每一篇睇過哂...
而且拍拖果陣...衰佬有提過上年生日佢地點過..
只係諗唔到今時今日段野仲KEEP左係度..仲要比我反應..
就好似D相咁...雖然唔係有心...卻冇落力每一樣野...仔細咁睇下有冇多有冇少.
內容我冇咩感覺...每對戀人相處一定開心幸福...尤其旁人眼光..
每對熱戀既情侶必定有一生一世...變老公公老婆婆既承諾...
唯一感受到就係.你地兩個實實在在.熱戀過.相愛過.甚至希望終老.
或姐調轉諗..邊有男/女朋友坦白話比對方知.我冇諗過同你終老.只係拍拖.
生日打到上電台同男朋友講生日快樂.以你既性格....更加冇可能唔係'好nUM'..
你答我'OK啦'我都明白既....我之所以話佩服佢.係因為.
對我而言.兩個人既戀情唔需要特地向外公開.當然開到一定唔吾認啦.
對方生日我絕對唔會打上電台話比全世界知我男朋友生日.我地熱戀.我地相愛.我地要終老.
我地好幸福.在於我黎講.咁樣實在太高調.或姐係特別.但我相信如果係開心.係幸福.
尤其係同自己愛既人開開心心過既話...每一年既生日都可以好特別好難忘.
唔知道仲有幾多野你未DEL.或姐你KEEP起.冇好好收埋.不過時4會令我對呢一切愈黎愈唔著緊..
唔係唔著緊你..而係唔想有壓力比你.唔想自己太過小氣.辛苦.介懷.而且跟本係冇需要..

我記得前幾日傾計講過以前冇而家咁開心呢一個話題...
呢一刻打日記諗起..回想起我以往拍拖...的確做既野好多.去好多地方.買好多野.
但開心.幸福.一齊唔需要太多牽掛.阻礙既.從前的確冇.
以前成日一齊出街.出出入入.人地會話我地孖公仔.
但而家.或姐可能因為我地成日訓埋同一間屋<3 唔知點解做D咩都覺得好似係老夫老妻咁xd'
一齊刷牙洗面食早餐等等..以前既唔會好著緊我...唔會好細心...只會識甜言密語....一d都唔真實..'
唔會每一日見每一日講電話每一日sms每一日開mic每一日一齊掛機打機..好多好多...'
從前既佢地口口坪聲以我為首...實際上做既野係為自己...
同你一齊好舒服..好開心..唔需要成日出街..唔需要同朋友講起我地既事..唔需要特地做比人地睇
簡簡單單同你兩個人一齊就已經好舒服好幸福<3' 嘻 x] 豬頭低B A_____A'

好累好累.好眼訓但唔想訓A____A'好掛住您啊林低B A_A'
幾時禁心心飛黎攬攬錫錫做豬先XD <3 死野XD
啜啜<3'