一個善意既大話.都係大話.你話過唔會呃我唔會講大話.
係....的確好小事.但亦都因為咁小事你都要講大話.我更加嬲.
或姐應該話更加失望..點解又一次比我估中知你講緊大話?

明知講左我唔中意唔開心..知我唔中意你呢個行為...
點解仲要講住大話呃我...要繼續做呢件事?
咁叫愛我...咁叫唔想我唔開心?...
我係咪要多謝你一個善意既大話.. ?

我曾經話過你知.我唔中意我男友對我講大話.
我要以身作則....我從來唔隱瞞...唔會捉字失話你冇問我所以唔講..
最多只係唔記得左講...我同過邊個異性.講d咩.傾左幾耐我一一話你知.
除左想你安心之外.係因為我想對你坦承.

林思宇...你同我一齊左283日.講過幾多個大話.呃過我幾多次.
做過幾多野係令我傷心.心碎.喊到要生要死幾多次.
因為d咩事而令我今時今日心裡面仲有一條刺.大概唔洗我一一細數返比你聽吧..
你令我失望過幾多次...因為太緊張你既事而炆左幾多次... 你都心中有數吧..
每一次你呃我.我發現左你既大話.每一次你做過傷我心既事.
就好似一把刀咁...每次係我個心度...狠狠地一下一下咁界落去.....
即使唔再刻意記起.仍係有呢幾條深深既傷狠係度.

呢一刻既我.我係msn對你既語氣.講既野.別無他.只係證明左我再次心傷再次失望.
呢一刻既我..只係好想一個人係間房.訓係張床.咩都唔諗.忘記所有你傷害過我既事.

如果真心的愛我.請不要傷害我.