好啦-0-應承左各位會打一篇post關於我去杜拜旅遊...

首先...其實本身個團係話去5日-.-不過事實係只係去左4日

典解？因為果一日只係全部係飛機到度過.....足足坐左成9個鐘頭機

D飛機餐又唔係好好食T^T(我最主要係食＠v＠)係飛機到簡直同死冇咩關係~"~

之後就係真真正正既第一日去玩啦=口=都冇咩特別...只係去D名勝到影下相咁

不過...各位腦入面既杜拜係唔係應該全部屋都金光閃閃既呢...其實係錯曬既-.-

大部份屋都只係用泥土,水泥建成...冇咩特別！就算係皇宮我都只係睇到少許既金~"~

係杜拜既金入面..最高級都只係得三條9...相反:我地香港人就成日追求4條9 - 5條9 既金

果到由於係返沙漠地區...所以比較熱-0-一般都係40-45度左右啦(不過咁都未算熱-.-導遊講話最誇張果陣試過鞋底都溶埋！！)

最後...講下果到既食物....我只可以用14個字形容果到D野食: 難食既食到嘔、好食既就very good

好！！！！到第二日啦-.-非常特別！！因為我地坐住架四驅車去沙漠到飛車！！＠＠

勁好玩^_^好似玩過山車咁...又上又落-.-我地有幾個團員塊面都逐漸由黃變白,再由白變青

最後我地架四驅車係一個位度停低....原來係要騎駱駝...我唔係幾忍心去坐呢d駱駝

原因係由於我體重既關係(怕壓死佢地-.-)同埋佢地真係好可憐架...由朝俾人騎到黑,我見到佢地隻腳真係腫曬...

所以d人好好奇咁問我最後有冇騎到駱駝...答案係冇-.-我真係唔忍心咁對佢地T^T要你地咁失望...本人深感歉意....

之後到第三日...就去左一個我最憎媽咪去既地方: 廣場 -.-因為女人既天性就係見到靚野就會發顛...狂買

雖然係咁...不過本人最愛口不對心~"~都買左幾件特產...有層沙架,沙瓶同D手飾(送俾人架＠＠v唔好問邊幾個)

至於層沙架同沙瓶係咩？文章尾段自己睇！！

最後果日...我地去左水上樂園到玩...果到既地板非常熱...鐵板一樣-.-我隻腳又幾到焦左(要睇既自己黎問我)

果個水上樂園最有代表性既係一個有9層樓高既滑水梯(我玩左之後...幾日唔敢望去窗到)

呢個水上樂園係酒店到...而架酒店位於一個由人工建成,一棵樹既島上面...

玩完呢個9層高既死亡滑水梯之後...仲玩左激流,同一個好大既水上遊樂場

其實本人仲有好多地方冇講到...呢D被遺忘既地方我會post D相上黎俾你地睇

(註明:本人會盡量選走有自己既圖片同影像...你地唔需要太失望咖T^T)

鏡仔教室:

層沙架: 杜拜係七個酋長國內其中一個...首都係 阿布達比！所謂既層沙架就係用七個酋長國既沙組成既....！

沙瓶: 係一個瓶(廢話！)入面有不同顏色組成既圖案...幾有特色架...你地去杜拜記得買個比自己呀！！

累啦\口/訓先啦我+口+