今日下午六點出左門口，因為約左三嬸係時代廣場食飯，其實今次食飯我都知佢約我既目的，就係同我傾下我既前途同中五既出路，坐巴士既時候竟然過左站喎！以為架巴士會轉返入去，點知佢一直行喎！行行下覺得唔對路，咪落車囉！點知原來已經去到金鐘喎！跟住行左一段路先揾到地鐵站！跟住立即坐地鐵返銅鑼灣囉，點知去到都係遲，遲左三個字到，唉，最怕就係遲到，跟住三嬸已經到左十零分鐘到，跟住佢點左幾樣菜，跟住就傾下我既前途、暑假做左咩，同家人既關系、大約就係咁......跟住有樣菜叫開邊x蓉蝦！超正呀！！係大頭蝦！不過好貴！$88一隻！好彩唔係我俾錢炸！呵呵同三嬸傾幾個陣時唔知點解差D認唔到佢，好彩認到佢把聲炸！如果唔係都唔知佢係邊個！好，詳細既情況就唔講啦！跟住就走個陣三嬸送左個鎖事扣俾我！設計好簡單但好貴！成幾舊水.............我都唔捨得用，唔知點解三叔三嬸送親D野我都唔捨得用！太名貴啦！唉，跟住我同三嬸係時代大門到分手，跟住我去興記到睇野，點知佢關左門喎！跟住睇到佢門口寫七點關門.........唉我去到個陣都已經九點幾，唉算啦，下次啦！不過我唔會尊程過去，因為要過海呀！車費好貴！！不過呢間係多貨車野我先咁想去睇！跟住佢無開我都無計嫁，咁我就走左去坐地鐵，去尖咀打左陣機，打左廿蚊，發覺bg4用尾驅車好好玩！由其係RX8，有好多人用RX7不過我無試，想試過陣俾人跟左機，咁我就玩灣岸啦，對戰左兩局輸左一局，咁住就打鼓，發覺自已勁左中級37都打到！！我一路都打開28嫁！勁啊！呵呵，跟住返屋企啦，點知行行下肚痛喎！黎左幾次，次次都忍到！好彩忍到返屋企炸！如果唔係就死啦！咁大個仲.............唉，今日就咁過啦。