呵呵..今日係平安夜哇~
係到先祝大家聖誕快樂..^^"
大家過得開唔開心哇?
我就過得勁開心~
因為我平時都唔多出街架啦...年年聖誕都係屋企過~
不過入今年出左去玩..
中午去左打台波..勁爆笑..因為個個都唔識玩..哈
講件笑話比你地知啦..
咁我地今日去打台波啦..之後未夠鐘wo..
咁我d朋友仔就出左去食野先啦..
有2個係到食緊野..其他人就係出邊等佢地啦..
點知有3個警察過來wo...我一定知佢地想過來架啦~
咁佢地過到來就都係講果d野啦..
之後先爆笑啦..我個fd身上有白兔糖wo..咁佢就問個警察食唔食啦~
個警察話:唔洗啦..我大過仔啦~唔食呢d野架啦~要食我會自己買~
之後到守第2個啦~
呢個就真係好笑啦~
咁佢守到我個朋友仔有人地張學生怔wo...(好似打錯字..不過算啦)
跟住個警察就問佢可唔可以搵到個學生怔本人啦..
佢話可以..跟住打左比佢~我地比左個電話警察哥哥聽..
警察:我係警察..你叫咩野名?
電話人:唔講..
警察:我宜家唔係同你玩..你叫咩野名?
電話人:唔講..
警察:我真係警察來架..咁如果你唔講咩咁你讀邊班?
電話人:f.4
警察:咁4幾?
電話人:唔講得...你比返我個fd講..
朋友仔:佢真係警察來架..
警察02:如果你唔講你個朋友仔就要返警局架啦..
警察02:你夠16歲未?如果未夠就要叫你屋企人來架啦..
朋友仔之後又比返個電話警察...
警察:你叫咩名?
電話人:(我唔知佢講咩..-口-")
警察:我要對返個學生性睇下係唔係你的..
電話人講左比佢知了..之後整左一陣野..比返d身分證來..
我地就閃左去打台波囉...
勁爆笑囉..
跟住打左一陣..我過左去mk..去左搵女朋友仔~
去到就係行..行..同行..之後都無咩野發生過..
最後返左去等毛毛放工..我地就去左(銀線)灣了..
係果到玩左一陣就走左人啦..
今日就打咁多算啦...聽日仲要出街街~
係咁啦...
平安夜快樂啦..xd"

好啦...咁耐都無打過日記..等我又開始打返先啦~
係呢排發生左好多事哇~
如果大家都認識我就知我係一個唔中意出街架人來~
but..由我認識左丫儀開始..我發現我成日過去搵佢wo..
可能係我真係好掛住佢吧...但係呢~唔知係因為我又開始打返機啦..
定係...我都唔知點講先好啦~總知呢個星期開始..
我覺得我勁唔想出街..因為好無聊~
成日出街..其實有咩好行呢?成日行同一個地方唔會覺得行到無野行架咩?
(p.s:我個人覺得姐..可能有人中意咁我都唔知呢~)
呢排一直都只係係到同丫儀傾電話..都無咩點去見佢..
可能係我唔想見佢掛..其實我都唔係好清楚..不過我只係知道我係好中意佢
我唔想佢離開我吧!..但係我又唔知做d咩先好~
我覺得我跟本唔係一個好好的男朋友吧..我唔識令女仔開心..
只係會比到傷心佢..我唔知我仲可以點做..唉~
算啦..我都係講下其他野啦..咁我就講毛毛d野啦.\/."
仲記得21號..佢7點幾叫左我落去wo..佢話係我屋企果邊..其實我都唔想落..
不過佢係咁叫我..咁我就落去陪下佢啦...我落到去毛毛人就唔見左..只係見到威威~
威威就係咁同我講:有無煙?我話:去買囉~佢話:咁係邊到買先得架?7仔又買唔到ok又唔比買..
咁我咪帶左佢去街市買囉..買完.毛毛行左過來啦..
咁我地就搵地方坐啦..我地行左去一個似公園的地方..(p.s:果到唔係公園.)
咁我同威威就坐係第2邊..毛毛同佢女朋友..加佢女朋友d朋友就自己坐啦..
坐到咁上下..威威話想訓..咁好囉..訓下啦.因為真係好悶~
跟住毛毛同我講88wo..我仲以為佢送左女朋友仔走就返來架啦..點知一去不返~
得返我同威威同佢女朋友d朋友仔(個名咁長._."想打死人咩~)
我同威威就係到傾下計咁啦..其實d女仔佢地有佢地玩..我地又我地傾~
傾到咁上下叫左小強落來wo..我地就打比毛毛問佢幾時返啦..(果時9點幾吧~送左成個鐘囉)
佢話係佢女朋友屋企wo..ok啦咁..比時間你地..我地問佢幾時可以過到來.佢話要11點幾~
哈哈..聽起來覺得無咩問題..但係如果你果日係現場一定想打死佢..
因為佢要女朋友都唔要朋友..不過我算..我唔同你計咁多..因為我仲當你係朋友~
其實毛毛成日都係咁..大家都慣..不過果時真係有d嬲嬲地..我地仲叫左小強出來tim..
小強對唔住吧..拉左你出來..但係又無野做~
之後小強到左..唔知點解佢搵到丫清- -"我真係好想知點搵佢~
之後我地行左過去搵佢地..仲同左d女仔過去..
過到去..坐左一陣都唔夠..d女仔就閃人囉..咁我地4隻笨蛋就開始傾d傻仔野..傾傾下..
丫清話要返去wo..咁好啦..丫清走左..咁我地3隻野就去食野啦..本來想食吉野家..之後小強話身上無錢
要去禁錢..佢問我邊到有恆生..(好似係呢個咩._.")之後我帶左佢行去..去到係中國銀行- -"
之後又帶佢去第2間..點知又唔係..我地係左好耐都搵唔到..哈哈
(我真係好勁架..住係果邊..bot唔知邊到有恆生- -")
之後算啦..叫威威出住先..ok啦.咁行返過去吉野家..點知去左收左..- -"
最後行左過去食mm..好啦..食完..搵左個地方坐啦..坐左係我屋企落下..
之後打比毛毛問佢過來咪...佢講完果句野我好無奈囉..(果時:11點左右啦)
佢話我返緊屋企wo...我聽完呼係咁話佢囉...大佬你有無事哇?
叫左我地出來之後又送女朋友返屋企..咁我算..無問題丫..送佢返屋企有講到就得啦..
但係我地都無話到要返屋企唔等佢..但係佢自己返左屋企囉...咁宜家咩事先?
係我地錯?叫左我地出來但係你就自己走左去返屋企?
咁我地等你咁耐咪白痴左?下次唔好再叫我地出來丫..一係你就整好你d野先..
一係就唔好搵我地...ok嗎?
上次又係咁..呢次又係咁...大佬..我唔嬲佢地都會嬲啦?
可唔可以唔好因為女仔宜唔理我地呢?
我有無因為女朋友之後唔理你地哇?我上次聽完小強過電話都過返來搵你地啦..
你呢?一係就唔過一過就11點幾先過到來..如果係咁下次你不如講唔好過來咪算囉..
唔洗浪費大家d時間丫~
好啦..搵話題啦..唔再想講你啦..
係呢2日..我係咁上網睇電影..睇左好多野..
bot..今日睇果個..睇到我嘔..
佢又係講 (尸)屍..但係佢比較嘔心..
d(尸)屍咬人正常都唔多會比你睇個人點樣比佢食- -"
但係呢個唔同..佢成個過程都比你睇..睇住佢點樣比d(尸)屍分解..
仲睇住d內臟比(尸)屍拎出來食..一件一件咁食..哇..
最勁就係你睇唔出佢有加電腦效果- -"睇上來好似真係比(尸)屍分解= ="
睇到嘔....
之後又睇左好耐之前架戲..9個女仔1隻鬼..勁爆好睇..嘿嘿~
好啦...下次再打過..呢次打左唔少野啦...呵~

金日去左打保0 = =
打到我傻左-9-"
係咁多~傾緊電話唔打啦!!!
 我愛老婆豬~xd