朝早9點鬧鍾響的時候,死都唔想起身...結果搞左半粒鍾,先從張床爬落黎去換衫!!
今日去的地方都好重要,所以唔著靚d都唔得!!所以揀左條新的連身裙黎著,加對靴就搞掂!!

10點鍾就出門口,先去阿婆屋企接左佢同阿公先,再去九龍城姑婆屋企拜年...
其實我都未見個姑婆,也從未同個佢拜年,但阿婆話要去拜,我都冇辦去...結果去左唔夠三個字,又走左啦!!
跟住又要去舅婆屋企拜年...

去到有曬我地最鍾意的野食,舅婆真係最知我心!!仲有差唔多失傳的"假種",超好味!!
佢好似蘿蔔糕,但唔係用蘿蔔造成,係用糯米黎製,口感同蘿蔔糕差唔多.

食完之後就返去阿婆屋企食開年飯,返到去,阿婆就繼續煮埋佢個餐煮足三日的飯...

我就同阿媽,Mandy姐姐&姨媽開檯!!又打4圈...打足三粒,終於打完4圈.我都算好彩,唔洗輸^^

跟住就開飯了,本來就係食lunch,結果搞到六點鍾先食,一陣又要返阿女麻屋企食開年飯,都唔知點食!!

而家面前個盆野都唔知夠食幾多日,只好食少少,如果唔係一陣就食唔落~~~

差唔多去到7點鍾就返到阿女麻屋企食飯!!

食到8點到就返屋企...我繼續煲電視}十兄弟同大話妹...睇到點幾鍾就同阿媽吹水...

聽佢講返以前d野,原來佢同我一樣,以前勁唔乖..跟住仲同佢阿爸阿媽大打出手!!勁好笑++

原來講返d舊野黎講係咁好笑,以後我都要記 低我d野,以後攞返出黎笑!!