今晚一放工搭車飛去大球場睇波 .... 早場有 公民 vs 廣東，晚場係 南華 vs 神户牛柳。

買完飛，差不多 7:30，仲有早場下半場睇 ... 竟然睇到有波入 (廣東隊)，之後仲搞笑，入波條友除衫 "訂" 落地，之後跳過廣告牌同 d 隊友慶祝，條友番入場時，又跳過廣告牌，點知比個廣告牌 tick 親， PK 達落地，全場立即笑爆咀，抵姆死 !!! 最後 1-0 完場。

接住下場，南華 vs 神户牛柳，唸住有日本波，好睇 d，雖然 "神户" 用 B 隊 黎踢，都應該咁上下實力。點知睇睇下，唔係好對路，班日本仔連禁區都入唔到去射波，淨係識係禁區外射，射又射唔準，反而仲要比 "南華" 食住，最後 "南華" 2-0 win 左，場波真係又差又悶，寧願去石屎球場 睇 d 阿叔踢波好過，摼番 $60 ... 真係~~~~~~ 回水呀~~~~~~~