今日返教會 , 其實今日都幾特別...因為今日係我地愛友史地純帶詩 . 今日係我第一次起教會到帶詩呢 . 雖然話係成組人一齊 -.-但都會驚呢...自己唱歌又唔好開喎 -.-萬一唱錯左咁點算好呀...魚死都似...咁1點返到去練歌仔 -.-點知阿徐先話 , 今日我同佢做主席 0.0嚇親...咁練完之後 , 有幾個字比我地諗下點樣帶.....嗚.....我未諗晒點講呢..但時間過得好快 -.-我淨係黎得切諗好第一首...第二首就即時諗 -,-不過到阿徐講果陣..佢接得好好呢 -.-好佩服佢呢 . 但我今日好魚呀...唱錯左好多字呀...魚死 -.-不過都ok啦...好彩都係平安的一切 . 感謝主呀...

分組果陣 , 我地幫阿妹興祝生日 , 呵呵~~好好味呢 . 好開心呀 , 阿妹帶埋佢男朋友黎呢 . 見佢地咁好 , 真係覺得好幸福呢.....我地又影相啦 . 係超人版的 . 好好笑呀影得...分完組之後~~就睇阿昌同冬冬玩魔術 . 唔知點解 =-=個個玩都估中係咩牌 . 但係到我就成日都唔成功呢個魔術 =-=真係好無奈........

之後就返屋企 , 唔知點解 , 當自己一個果陣 , 就會開始亂諗野 , 鑽牛角尖......攪下攪下 , 就會好唔開心....點解會咁?我都唔知點解 . 但我真係好唔想係咁呢......神呀.....求係保守我呀.