呵呵 .好開心哦今日 , 今日去左打羽毛球呀 . 勁開心呀 .

其實今日都好擔心 , 因為我好遲先去book埸 , 咁我去到啦 , 話要book兩個場 , 點知....佢話一個人唔可以book兩個場 , 嗚......好慘哦 . 咁佢就叫我返屋企打電話 , 咁好啦 ~~我以為打電話可以book兩個場 , 點知係唔得架~~同埋我又好蠢喎 , 因為果個人問我邊間運動場同埋個地址.....我唔知咩地址 . 我淨係同佢講 , 大埔新街市果間....點知佢好好惡咁話幫唔到我.......嗚.....好惡呢 . ...咁我就打左比肥好求救 , 我覺得佢會幫到我既 . 呵~~~~~點知...佢都唔識 . 但係我好感動哦 , 因為佢同西牛都話即刻出黎 , 陪我去book . 好感動哦...因為佢都唔使咁早就黎架....仲有成個鐘...有排佢等呢 . ~~ (因為我地2點先開始打) 但最後~~我搵左家姐同我去~~唔好麻煩佢地啦~~都好彩 , 岩岩好仲有兩個場 . 太好啦 .嗚......我搭lift果陣.....見隔離有人帶左羽毛球拍....幾驚佢地會book晒d場呀......真好彩...呼

之後 , 2點開始打啦 . 呵呵~~好開心呀. 因為好多人都黎左哦 , 見到d同學仔 , 真係好開心呢 , 但係.....rerere竟然都有黎喎...真嚇死我呢~~之後我地分左兩個場打 , 不過好開心呀  . 因為我地打果陣 , 整左勁多笑料出黎喎 . 最好笑都係rerere~~因為佢竟然發明左一種打法 , 叫切換裝備既打法 . 就係打打下 , 如果係短球既話 , 佢即刻拋開球拍 , 用手打......笑到我地爆肚 ~~佢仲成日都話自己打到好勁 , 真係笑死人~~原來呀~~西牛打羽毛球好叻架 , 我仲以為佢淨係打藍球叻既tim . 我地無一個人打得贏佢呀~~仲要係佢一次過 , 我地淪流對打...但佢都好似唔累咁...真係服左佢呀 . 打完之後 , 我地就一齊去左食野 , 呵呵~~都幾好食哦

之後行左陣就返屋企啦 , 不過好慘呀 . 個肚好痛呀.....嗚...............