今日家姐阿妹佢地都放完復活節假啦 , 放晒假lu , 屋企就淨返我一個唔使返學啦 . 唉~~都唔知應該覺得好定唔好 . 放假係好好呀 , 因為唔使成日驚遲到呀 , 哈哈 , 我返學成日都差d遲到>.< 但係一放假 , 一唔使返學 , 就好似無左生活既義意咁 , 講得好似夸張左d@_@ , 又見唔到我既5e同學仔喎 , 好掛佢地呀 .

哈哈 , 不過我今日過得好開心呀 , 因為一朝早就同阿爸阿媽傾左陣計 , 起度傾點樣慶阿爸生日 , 我見到佢地兩個都好興奮 , 真係好開心 , 攪到甜到不得了 , 哈哈 . 我已經好耐無同佢地咁樣傾計啦 , 原來改變自己同屋企人既關係 , 係一件好簡單既事 . 只要你肯花點心思同佢地溝通 , 肯多想想佢地既感受 , 少dd自私 , 就已經可以同佢地相處得好好 . 真係好開心呀 . 希望我地既關係可以一直咁落去呀 .

傾完計之後 , 我就開始溫書 . 做左兩年既pass paper . 下午就同人傾電話 . wakaka好開心呀 . 星真係一個好傻既傻人黎架 . ∼∼>唔知佢睇唔睇到呢句呢?激死佢都似 . 夜晚就同阿真去左圖書館溫書 . 哈哈 . 溫我既至愛bio呀 . 愛死bio呀. 今日圖書館好噪 , 有d人去左都唔係溫書既 , 係咁不停咁傾計 , 煩死人啦 . 最後竟然仲有兩個人起圖書館入面好大聲對鬧tim呀 . 你話係唔係好神奇呀~~~竟然起自修室到用粗口鬧交 ..........要鬧就去街市鬧呀ma >.<

haha總括黎講 , 今日都係一個好開心好開心既日子