我今日我訓到好晏先起身 , 諗住既食飯之前 , 溫陣書先 . 點知我打開張櫈個蓋 , 我張櫈係有個類似抽屜的東西狂裡面 ,係可以擺野既 . 我見到有堆信起入面 , 我逐封逐封咁睇返......好多回憶都返返黎 . .....

2000年5月24日是一個很特別的日子 , 果日係我第一日黎香港 , 黎左香港都差唔多5年啦 , 原來時間真是可以改變一切 , 和沖淡很多很多回憶 . 我在大陸的中學讀了大半年中一 , 先出香港再讀中一的 . 起大陸果半年間 , 發生左好多好多事 . 我果間係寄宿學校 , 一開始要我同d完全唔識既人住埋同一間房 , 真係好唔慣 . 而且自己一直起屋企生活都係有人照顧的 , 但突然要自己生活 , 要自己洗衫 , 執野 , 咩都係自己一手一腳做, 真係好辛苦 . 但後來都算同d同學相處得幾好 ,但後來 , 無緣無故 ,我被我的朋友排斥 , 同房一共有7個人 , 每日都要一齊相處 , 果種被人排斥 , 違棄的感覺 , 真的很難受 . 感謝主 , 比我其中一個室友無離開我 , 起我被人排斥既時候 , 佢都陪住我渡過 . 果段被人排斥既時間 , 我既生活真係好黑暗 , 好辛苦 . 每一個星期放到屋企 , 我就唔想再返學校 , 即使無得再讀書 , 我都唔想再返去 .後來 . 一開始話要排斥我的同學 , 佢主動同我傾返計 , 仲同我一齊返學, 放學 . 直至好後期 , 我先知道 , 我被排斥的原因 , 是因為手仙話我是不祥人 . 哈哈 . 好無奈 ~~估唔到 , 我辛苦左咁耐 , 原來係因為手仙既一句說話. (手仙是爛當時d人好鐘意玩既一樣野 , 就好似碟仙果d咁.) 唉~~不過件事都過左啦~~我再介意都無用 , 不過我真係好多謝陪我一齊渡過咁辛苦日子既名餅 . 好多謝你呀.後來 , 同d同學仔好返之後 , 我更加明白到 , 友誼既可貴 , 所以我都好珍惜同每一個朋友既關係 . 好率直的娟 , 好鐘意笑既喜悅 , 好斯文的魚魚 , 好高大又傻傻瓜瓜又好人既煎餅 , 木木獨獨的阿扁 , 成日整鬼我既雞屎 , 親朋戚友的肥超 , 成日打我個頭既峰 (打到我蠢晒), 成日都話我蠢既雞尾 , 仲有個頭好斜既斜流丸 , 仲有好多好多朋友啦 . 出左香港之後 , 同佢地都仲有寫信 , 我發現 , 原來都寫左幾多信架 . 哈哈 . 不過依家佢地都各散東西啦 , 想搵佢地都搵唔到lu , 希望有一日再見啦 . 因為點都係有緣 , 我先會識到佢地 . 雖然當中有好多辛苦 , 同快樂既時間 .  今日睇返D信 , 個心真係有好多感觸 .........