|
今日係06年既最後一日啦~~今年真係發生過好多野~~
開心既比唔開心既多~~失去既比得到既多~~但得到既比失去既更加值得珍惜~~
返學~~畢業~~到而家返工~~好多野都唔同晒~~幸好身邊既朋友並沒有唔同~~
新既一年新既開始~~希望呢一年我會搵到一份自己真真正正鐘意既工~~開開心心~~
今日放早~~又係咁到臨尾個日先話你知放假~~=.=無奈
放工搵gary拎野~~原本話陪佢食飯架~~不過約左彭 & fish 所以推左~~sorry!!
拎完野就過左澳海城搵呀彭~~等彭打完[頭d]就去搵fish啦~~
點知fish電話又出現病態打唔通~~=.=搵左好耐先搵到佢~~
我地去左食飯~~唔記得左間野叫咩名lu~~不過d白咖哩好好味~~
食食下飯收到sms~~=.=無奈~~
多謝 fish請食飯~~出糧請你食返餐勁既~~/\/\
食完飯我地走左去新之城影貼紙相~~呵呵.....好攪笑!!
原來呀彭唔識行旺角d路~~哈哈....[知唔知旺中行邊邊呀??]~~笑料~~
影完相~~fish就夠鐘去搵佢個朋友仔啦~~我就同彭過返澳海城~~
去到諗著打陣機等倒數~點知10點幾就已經多人到行唔到過去啦~~
我地係咁係2樓3樓~~行黎行去~~左串右插~~都搵唔到一個位我地係可以睇到個台既~~
為有去睇電視啦~~搵到個靚位~~11點45到啦~~全場dead air~~原來電視做緊新聞~~足足等左10幾分鐘呀~~
就黎12點啦~~打返比gary~~有d內疚放左佢飛機~~[新年快樂!!]
一數完同彭即刻閃~~去左機鋪打機~~太多人啦唔快d走有排都未走到~~呀彭搵埋佢班朋友仔~~
玩籃球機~~哈哈.....終於過左3百大關~~317勁呀~~下次要再高d先得~~卡卡
玩左陣就走啦~~因為彭d朋友仔唔打機~~我地就一齊搭車返中環~~哈哈....
諗著搭點半~~不過fish趕唔到黎呀~~咁唯有搭2點45啦~~我地唔會唔等你既~~肥強就係碼頭等~~
fish趕唔到~~我地就去左打機~~打左一陣機鋪都收lu~~
彭去左接fish~~我同肥強係碼頭等~~同肥強無野講好似唔知點咁~~打電話傾左陣彭佢地就返黎啦~~
上船吹水~~開始有d攰啦~~返家放低d野就出西提啦~~
好多人bor~~沿途比d o靚仔撩~~飛到咁出去搵彭啦~~
坐係到玩大話色~~彭想fish醉~~因為fish實在太飲得啦~~彭唔甘心一定要fish輸~~
點知~~調返轉頭~~箭頭指著晒肥強~~哈哈....輸到傻~~
彭係到製造笑話~~[死啦好屎急呀~~唔好笑著先!!]~~之後又扮個中學同學做熱身~~
之後又同肥強係咁串我[[亞也]]~~由上次夾band串到而家~~不過我唔小氣既~~同fish笑到傻左~~
玩完大話色就玩[日落西山下]~~[呯嘭嘩]~~重有一個唔知點打~~
笑料笑料~~肥強係咁輸啦又~~
肥強:[日落西山下.......]
彭:[ 哈...飲得!]
肥強:[日落西山下.......]
彭:[ 哈...飲得!]
肥強:[日落西山下.......]
彭:[ 哈...飲得!]
肥強:[日落西山下.......]
彭:[ 哈...飲得!]
........................................
我同fish就笑到肚痛~~肥強一輸又要飲~~飲唔記得講[唔該!]又要飲~~
玩到天光啦~~d公公婆婆都出黎晨運啦~~
婆婆:[咁早起身坐係到玩呀?]
us:[係呀係呀......]
肥強已經飲大左啦~~佢係到玩個單車6~~勁好笑~~
天光就諗著上條村個到坐~~繼續玩~~點知行行下~~
[[有隻[小蜜蜂]o翁o翁o翁~~跌落花叢中~~]]~~肥強o翁o翁o翁~~連人帶單車跌落花叢中~~
笑到我地幾個傻~~卡卡卡
之後肥強返左家~~我地就上左彭屋企~~其實真係好攰啦~~不過又未想訓著bor~~
拐帶左彭隻松鼠仔去食早餐~~哈哈....隻松鼠仔比我地攬到條腰得返22吋~~就斷就斷咁呀...
去張記食早餐~~食完去7仔買野就出返條村到玩~~一出到去彭話要去toilet~~
我同fish坐著等~~等等等等.........訓著左law~~去左成20分鐘~~邊有人去咁耐架~~
訓一訓個人都精神d~~係到玩鬥大~~大個個問細個個問題~~一定要答~~唔答飲一杯~~講大話飲半杯~~
玩玩下~~fish好眼訓bor~~咁我地就要佢訓一陣先再同佢玩~~佢唔肯我地就走開自己玩唔理佢/\/\~~哈哈.....一陣就訓著左lu~~
同彭吹水~~呢頭講個頭散~~
fish醒左玩多陣都已經12點幾啦~~佢地就去左我屋企~~原先fish話去打波~~
點知去到我到就個個都訓著左~~fish訓唔著~~一陣就醒啦~~
彭就唔洗兩秒即有鼻鼾聲啦~~不過比我地笑一笑佢就醒左~~不過又訓返~~
我呢就暈左2個幾鐘先起身~~太攰啦~~
睇多陣電視~~就送fish搭4點半出hk啦~~
送左佢走之後同彭都各自歸家啦~~
返到屋企玩左陣msn~~約左肥俊,雪佢地去食野~~
食完野去左搵家姐~~之後去左打波~~打完波收鋪~~返家~~
飯都未食就已經同周公傾計啦~~一訓訓到12點幾~~起左身~~食左d野~~
之後訓唔著~~玩左陣msn~~好攰又訓落床~~唔記得幾點就訓著左lu~~
| 
