今日係大假既最後一日,由於琴晚喊到幾累..所以今日都訓到2點幾先身...不過仲未落床ice就打來,同佢傾左2個幾鐘..唉,一講到公司d野..大家都係得個嬲字同個灰字..好無奈囉真係...我到而家都唔知點講辭職好,又驚佢留....不過今次我真係非走不可囉..近排唔知咩事,身邊既朋友個個都開始怕維繫唔到..就連ice都問我,走左會唔會keep唔到,唉...我都唔知呀.....同佢傾完都5點啦,跟住搵下有d咩學...再同威威傾左陣咁就食飯啦...食完之後煲下電視...睇下日記,咁又一日啦..(日記原本係好私人既野,大可以講自己想講既野,不過o係你日記公開既同時,希望你要顧及下讀者既感受,有時越緊只會嚇怕對方架咋,當你既發言影響到人地果陣,就要收斂下啦明白嗎...知你難做但係人地都難受架..)...聽日返工啦...=.=''好驚唔慣....呀.....岩岩收到呀欣個信息...不自覺地又喊啦,喊到收唔聲...我會keep住寫日記架,我會得閒打俾你架..你唔好呷醋啦,你係最重要架,你係我咁多年來最好既朋友,好多時我都好驚大家圈子不同左,你會放棄我..我而家知啦..你唔會..我都唔會...多謝你呀..好朋友...
P.S琴晚睇晒你地d日記先訓,好感動,好滿足.....
上星期去camp整親到而家仲係瘀緊...仲發現多左好多處瘀......