今日痛苦地要返10半...雖然好累,不過準時地起身無賴床(其實係有架,不過十分鐘唔算數啦 ),可能都知無咩機會架啦...返到去同左呀yan(同事)講左我辭職一事...聽完O左嘴囉佢,不過最後都接受左...12點度,佢過左黎,好突然,不過當佢知道我辭左職一事,佢仲惡然.....我唔知佢點解會有咁既反應,可能佢都知我同佢係靠MASTERMIND去維繫...唉,如果真係咁易就完既話...大家就認命啦...下午,laulau都過左黎,好開心呀見到佢,原本今日好唔舒服架,個人又蜢架,不過見完佢之後好返d啦..朋友既感覺真好....之前公司開會話就算辭職都無離職證明架,不過佢地都叫我問下呀ming睇下佢會唔會例外出俾我..所以我就問下佢啦...結果得到既係一大段道理同係咁同我申之前d同事幾衰...到最尾都係一句公司規矩所以唔得...唉,唔得都唔好同我申咁耐呀..我唔想聽架真係,亦唔想知咁多野..=.=''好無奈地收線...今日條數好差,夜晚報數果陣好驚,但係ming姐竟然一句都無話過我...仲有...仲有就係佢同tacky(佢個仔,我老細)傾過我想要離職證明一事,haha..佢地竟然肯破例出俾我呀,話我平時乖乖又聽話....所以會出俾我,不過條件係唔可以同任何人講,因為公司想一視同仁..亦唔想俾人知佢偏心..好開心呀..原來ming姐真係幾錫我架...我既心血係無白費架...返到屋企睇埋林海峰下集..好滿足地打日記啦...人地話人越大就越無人情味,我反而覺得係人大左...會更加重感情,因為大左..會更加驚失去..越驚就越會去重視,我都驚..所以我都好重視你地...離職其中一個原因係------唔想我地既距離越來越遠..

p.s.一返到屋企就見到2小姐同3小姐既留言..感動..

今日又破費o係double step買左條裙啦....=.="

又想配返副眼鏡..睇中左架啦...不過就黎失業啦....點好呢...

聽日男子組要加油呀...要贏呀....一定.....