琴晚早就上床訓覺啦,可惜最後都係搞到2點幾3點先訓著,就係咁今日唔願起身,搞到成2點先出到7仔..
同威威去珊瑚堡食野...由於懶係有氣氛咁,搞到我地勁眼訓...食食下,威威收到呀禧電話話佢意外地早
放,咁就叫佢過黎揾我地啦...4點幾度就到啦佢,太耐無見啦,好掛住佢呀..haha呢排都係咁^^..之後同左
威威去睇衫..最後都係食白果,不過真係可遇不可求...之後同禧禧去買ice-cream..買左仲夏夜之果.....普
通好味o者`算啦..有得食經已好開心...之後決定去影貼紙相...途中,撞到呀雞同美楠拍拖...手拖手.....鄧
佢開心呀真係,傾左幾句就走左lu佢地...我地就去貼紙相舖啦...好白痴呀d樣~影完出黎點知見到laulau坐
左o係度...嚇死我地呀..hehe...我地捉左佢一齊影,佢真係唔識得笑架,好得意呀...影完笑完就落左商務陪
佢地買日文書,我就不自覺地拎起本60歲的情書睇..雖然唔係大喜大悲,但係睇左2章就有甜絲絲既感覺,
終有一日我會忍唔住買左佢返屋企~~去完書局就陪呀威威去買野,買完佢地就送我返屋企啦....走果陣
見到呀賴同女朋友手拖手拍拖拖...就係咁4個又再灰一灰.......今日呀禧好低b....不過有時咁都幾得意呀..
有人同我一齊傻...呀嗎...

p.s.要揾野做啦...糧斷了~
寧願工作艱難都好過游游閒閒..