今日一早要趕住岀一張好趕既單,但係我入得好慢呀,有d唔開心...其實lunch前有好多野都忙完架啦...所以食飯食得好開心,加上幾個老細開完會就走左啦..得返我,sara同萍姐...3點將所有野都做晒啦,之後就做上網玩msn..點知得stephen一個,d人去晒邊呀~~~4點就走人lu~~本來想約kiki去食野,點知個肥Ki唔聽我電話.=.=今日8到好多公司既野,原來有人O係公司搞婚外情..仲O係公司做左D唔見得光既野...唉,真係人不可以貌相呀..

p.s.聽日放假,可以訓耐D,但係起身後要好好裝修間房~~

返工返工.9點幾收到edwin英國send黎既sms..但係唔記既點回到長途..有無人知呀,話我知呀..臨放工alan(公司顧問)返左黎,帶埋個女仔,個樣勁young囉..點知原來係佢太太,仲有2個仔女添...有錢人keep得真係好呀下...laulau等埋我先走...勁驚行果條蚴蚓路...生既..行緊既..死左既..扁左既都有..,唉每日仲要經過2次添架..=="
原本約左yan,ling去海馬公園玩...但係今日計過條數..唔掂呀...所以最後決定唔去啦..因為下個月真係好金囉....對唔住呀,空歡喜一場...

2個媽媽個故事-----真人真事,你有感覺嗎?
媽媽A與丈夫離婚2年,有了癌症..最多餘下1年命..女兒今年小六...媽媽很想能岀席她的畢業禮,但怕等不到,女兒知道媽媽的情況說:媽媽,我有心理準備了,你摺一瓶星星給我,到時你就算在不在人世,我也會帶著那瓶星星到我的畢業禮...(一聽,我真的哭了,這時真的很想自己媽媽,兒女心中最愛的都是媽媽吧..很慶幸我有個好媽媽在身邊)

媽媽B..七十多歲,有老人痴呆..在住所離開後...失縱了..他兒子用盡方法尋人..到現在還沒消息..曾經我看過他的一篇報導,他說:媽媽用盡一切心力獨力養大他..到他現在有所成就了,卻未能給她享福...他願意把自己的公司買了用一身的身價來找回媽媽...今天他登了全版廣告..報酬1,000,000來找媽媽...(願他真的能找回他媽媽)

p.s.聽日都要返工呀..仲要返whole day~
      要加油呀...

今日照常返工,經已習慣個時間喇..一切好正常地運作..今日仲比較輕鬆,因為老細無返黎,個顧問又無返..呀顧問既秘書又要過其他公司..哈哈..好放縱呀今日..通常lunch過後就勁快過啦d時間...又準時放工...不過已經好攰喇...感覺上呢份工好似返左好耐咁,可能d同事都ok,但原來只係返左4日咋....快d放假啦..好想去街呀..要買返工衫呀....

睇完kiki日記好有同感...重覆重覆咁過每一日,的確有d悶..可能以前o係mastermind太癲啦..想玩就玩...想傾計就傾...一切都好free,所以而家太靜既工作生活的確有D唔適應...不過而家d時間真係幾實用...所以大家要加油...

p.s聽日要過得好呀...

今日過得唔錯,雖然有學新野,不過工作量適中...所以過得幾好..一返到去,O係度八卦既唔係d女同事,而係班老細同D運輸係度討論泰國兵變既大事...lunch呢,就過返舊公司買護膚品..估唔到個個都記得我,細儀仲偷偷地俾左好多sample我,hehe~~之後lunch就竟講保養心得...估唔到連老女人都咁有興趣...5點1度老女人就走左啦...我地3個就係咁傾計等收工..MIKI話佢返呢份工返到條頸痛到"玉"唔到,要睇鐵打...我都開始腰同腳都痛啦...搞到自己好似返苦力咁,最後5點半準時放工..YEAH~

夜晚同媽咪岀去,見到yuki,tony,陳x匡...次次行tm到勁見到人..行到成11點先返屋企...好攰呀..行行下,勁抽筋..好想放假呀..

P.S.聽日都要順利哦~

今日又準時6點3醒左,仲可以訓左陣..又係7點再起..返到去開始跟返琴日d野.開始都ok得閒..點知半個鐘後,我就開始忙到痴線..忙都唔緊要,因為會過得充實d,最慘係我仲要不斷學新野...lunch左3個字就開始再開工..好忙好忙...又多野記,要做note..我地會計部就忙到死,但係呀老女人呢就得閒到爆,所以就勁教我新野同望住我做..好大壓力呀...今日忙到成6點走(平時放5點半的)..臨走收到laulau電話佢係附近,所以就等埋我先一齊行返去,佢琴日去左呀jack度hair cut,剪得都ok.呀,無失水準...下次可以放心去剪啦..
返到屋企經已想訓啦..不過夜晚又精神返...

kiki,呀shan又做返啦..不過就調左返tw囉...保護貼有望啦..hehe~

p.s.樣衰左,今日入老細房(幾個大老細係入面)..我唔記得敲門...俾完野走果陣,佢say thank you...
我竟然回應左一句"唔洗客氣,88"逃離唔到以前既慣語..=.=

聽日也要順利哦~~