2006-09-28

尋日我老細又捉咗我去傾計喇!佢話亞joyce&yee man針對佢喎,令到佢好唔高興喎,我都唔知發生咩事,我問佢:佢地做咗啲咩令你唔高興丫?佢又唔講,淨係話佢唔係幫住亞bi,佢話唔可以比二個人喺診所攪事,我同佢講:站喺我個立場我當然係對做到野嘅人好啲啦!佢都同意我講法.但係佢依然係企喺亞bi嗰面,仲邊使講啫!佢仲衰到原本尋日應承出糧比亞綺雯,但係最後竟然話帶無支票簿喎!我都有啲唔信呀!到晏晝亞綺雯放假,佢問我如果等佢放完假先出糧有無問題,我眼都突埋呀!想我死咩!我梗係話最好唔好啦!點知佢話出咗比我先喎!其他同事就要等佢番嚟先出糧呀!我當堂鬆哂!佢仲話以後要到最後嗰日先有糧出呀!所以我心諗:邊個都可以得罪,我老細就千祈唔可以得罪,因為佢係一個女人!哈哈!診所又貼紙請人喇!又要回到教新人嘅時候喇!希望佢只係嚇吓佢地啦!我真係唔想教喇!