今日係年初二啦，係鼠年既第二日啦．．．

已經過左豬年啦．．．一年真係快過啦．．．．

仲有１０日就放完新年假啦．．．

唔知今年可唔可以逗到＄１０００利是呢．．．

希望可以啦，如果可以既話，我諗住一半（草）起佢，另一半都唔知用黎做咩好．．．

年三十晚，我呀爸俾左封利是俾我地，原來係＄５００黎架．．．

琴日，我呀媽又俾左封俾我地喎，都有＄１００呀．．．

今年經濟理想，都逗到多小小利是．．．

真係好呀．．．之後，今日又逗到兩封係我隔離屋果個呀ｅ俾既，兩封加埋都有＄２０．．．

ｈａｈａ∼舊年既年初一，我地係大陸到過新年，但係今年既年初一，我地係香港到過年．．．

真係好唔同呀，因為今年要會考，溫書呀，又要做功課喎．．．

之後，我細妹佢地又未整返回鄉證喎，因為佢地張回鄉證到左期未整返好．．．

跟住，今晚又去對面果座到拜年，唔知又俾幾錢呢？

不過通常都係俾兩封加埋＄２０／＄４０架啦．．．

希望俾＄４０啦．．．．講住係咁多先啦．．．

唔知老公仔今年又逗到幾錢利是呢．．．．

老公，５２０１３１４．．．

今日本來要補數學架，之後今日成９：４５先起身，所以今日都冇返．．．

而且我又狂咳喎，費時啦．．．

之後，我細妹就叫左外賣黎食．．．

佢叫左４個，一人食一個．．．

之後就食完就開電腦啦，點知今日ｓｈｏｒｔ左好多次，又開左兩三次機．．．

唉，部機又ｓｈｏｒｔ　ｓｈｏｒｔ地啦．．．

係個Ｎｏｒｔｏｎ好煩，成日都彈出黎．．．

跟住下晝做左一陣ｌｉｓｔｅｎｉｎｇ，果本應該係中六既，但係果本書寫ＨＫＣＥＥ架喎，都唔知邊樣岩．．．

聽聽下真係好難聽到答案係咩．．．

之後我細妹又去左樓下幫我買野食返黎食，佢同細佬一齊去．．．

今晚會去一年一度既花市呀．．．唔知有咩買呢，希望有野買到啦．．．

琴日補會計，個ｍｉｓｓ好搞笑呀，又明佢講咩喎．．．

之後又改人地個名，例如：ｘ東ｘ，佢就改話ｘ南ｘ、ｘ西ｘ同埋ｘ北ｘ．．．

ｈａｈａ，之後唔知ｄ人有冇笑，但係我有笑囉．．．

放左學之後，返到屋企樓下，老公仔竟然打電話俾我喎，真係估唔到呀，果時真係好開心呀．．．

之後又唔知點解ｃｕｔ左線．．．之後佢又打返俾我，又ｃｕｔ左線．．．ｃｕｔ左兩至三次．．．

之後佢ｓｍｓ話去剪頭髮，話剪完之後打俾我．．．之後佢剪到４點先剪完，不過我果時又訓左覺．．．

不過老公仔都冇打俾我．．．第一次老公仔會自動打俾我呀，ｈａｈａ∼

唉，禮拜二又唔記得左打ｔｉｍ．．．

禮拜二德育堂果陣派左張ｔｅｓｔｉｍｏｎｉａｌ（推ｘ書）．．．

話叫我地寫返咁多年黎既事項，例如：拎獎／課外活動．．．

跟住琴日同今日都超凍，兩日都差唔多，但係我日日都係著咁多衫返學，今年係最凍既一年新年．．．

今日係最後一日上課天啦．．．太開心啦．．．

但係聽日同有ｄ日子都要補課，最好既係有３日補會計，係ｍｒｓ　ｃｈａｎ呀．．．

因為我覺得佢教好ｄ囉，佢有經驗嘛．．．

同埋而家個新老師教得唔係好明，反而ｍｒｓ　ｃｈａｎ就明囉．．．

因為我舊年俾佢教左一堂，都明左個概念囉．．．

好掛住老公仔呀．．．

唉，琴日又遲到啦．．．７：４０先起身，今次第二次啦．．．

第一次係係１月１６日遲到．．．果日仲衰，８：００先起身．．．

跟住就即刻換衫出門口．．．其實第一次都有諗過返唔返好呢，返就當遲到，唔返就當ａｂｓｅｎｔ．．．

咁都係當遲到算啦．．．因為我想上英文堂，如果唔返就跟唔到果日做ｄ野．．．

唉，聽日又要考ｖｅｓ既ｗｒｉｔｉｎｇ（作文）啦．．．唔知難唔難架呢．．．

跟住聽日上完職英又要返屋企沖涼，沖完涼要返大陸呀．．．

好慘呀，冇得同老公仔傾電話／ｍｓｎ／ｓｍｓ．．．．

因為我好掛住你呀，老公．．．

同埋唔知打唔打到長途既呢．．．不過返到去大陸既屋企應該可以打俾你既，老公．．．如果你唔介意既話．．．

今日有樣好消息就係聽日本來商業要測第五課．．．

但係５Ｃ班個進度未教完，所以就下個禮拜三先測．．．

今個禮拜小左樣測驗，但係會計同職英都要測，但職英要考試ｔｉｍ∼！

不過會計測左先囉，今次呢課測好ｅａｓｙ．．．

係測會計比率姐，不過又係要背．．．

由上個禮拜到今個禮拜都唔駛補課．．．．

真係好呀．．．．但係我唔想英文唔補，因為我最中意既係英文果科．．．

今日老公仔終於可以ｏｎ　ｍｓｎ啦．．．好開心呀．．．好掛住你呀．．．

今日又係一個禮拜既最尾果日啦．．．

倒數四日就可以同老公仔玩電腦啦．．．

因為呢個禮拜佢呀哥返左黎，佢話下個禮拜一幫佢洗埋機喎．．．

洗完機之後果日就可以同佢玩啦．．．

聽日唔洗返職英呀，真係好，但係聽日要返會計同科技．．．

返到４點，之後就可以返屋企啦，做埋商業功課．．．

仲有兩課既工作ｐａｐｅｒ，兩課既ＭＣ題做哂啦．．．

做完仲有科技報告仲未開始做呀．．．點算呀．．．

呢個禮拜都唔駛補課呀．．．ｈａｈａ∼真係好架．．．

禮拜三開始調位．．．個位都幾好既．．．

今日又係一個禮拜既最尾果日返學日啦．．．

真係辛苦呀，聽日又要返職英，返職英之前又要返科技．．．

份報告仲未做ｔｉｍ，不過聽日呀ｓｉｒ會教我地做．．．

差唔多成個禮拜都係得一日可以放假，仲係唔係真正既放假喎，又有功課做．．．

聽日又係老公仔既家長日，但係我地學校係２月先係家長日．．．

仲有３個禮拜既堂上完之後（唔計放新年假）就考ｍｏｃｋ啦．．．

真係快呀．．．平時都冇咁快既．．．

之後考完ｍｏｃｋ隔２個月到又考會考啦．．．

考完會考應該都係６月到啦．．．都有ｄ時間係唔駛返．．．

之後有成３個月到都冇野做，都係考完會考先諗做ｄ咩啦．．．

老公仔，你都要加油呀，下年到你會考啦．．．

琴日係學校既運動會決賽，７點先起身．．．

跟住去緊運動場都同緊老公仔傾ｓｍｓ．．．

之後差唔多行到去運動場果時就識機啦．．．

因為驚會響．．．所以就要識機啦．．．

跟住下晝１２點就完左朝早既賽事．．．

跟住副校話俾我地早ｄ出去食飯，驚我地同人地學校撞時間食飯．．．

跟住就去左銀座一間到食，食左個飯．．．

跟住就去左一間賣零食店到買ｄ糖，佢地買左好耐．．．

跟住就開始行去運動場．．．返到去就仲有十分鐘到．．．

俾我地1點半返到去．．．今日又係放假既日子，又係做功課既日子．．．

今朝去左身體檢查，見到幾個都係我地學校ｄ人．．．

都幾多人去喎，不過有ｄ就下晝去．．．

去完之後先食早餐，買左個ｍ記食．．．

跟住返到黎就玩電腦．．．一路玩，一路等老公仔ｏｎ．．．

等既同時又做功課．．．真係好ｂｕｓｙ呀．．．

３，２，１仲有３日就到陸運會（決賽）啦．．．

今日做做下工件咁怏就到６點ｌｕ．．．

所以今日６點半先返到屋企．．．

唉，跟住聽日又要會計補課，仲要測驗喎．．．

都唔知點解唔上堂果時測既．．．

佢自己又教得慢喎，又唔係好識教．．．

諗返起中四果時，我都冇次測驗合格．．．

我記得有次我係超唔想咁同ｍｉｓｓ上教員窒到教返我．．．

不過，佢會派ｄ　ｎｏｔｅｓ俾我地ｆｉｌｌ　ｉｎ　ｔｈｅ　ｂｌａｎｋ囉．．．

總之之前上ｍｉｓｓ　ｌｕｉ堂仲好啦．．．

１２月２１號果日（即係學校既聖誕歌唱比賽同埋聯歡會）我聽到有人都話後悔左冇聽到．．．

我而家都覺得呀，點算呢．．．

跟住聽日又要職英，話聽日要ｐｒａｃｔｉｓｅ喎，之後再下個禮拜要考ｍｏｃｋ啦．．．

真係慘呀，中五真係咁辛苦架．．．

我而家先覺得原來中五係咁辛苦，不過崖埋呢４個月就可以唔駛咁辛苦啦．．．

琴日同ｆｄ去尖沙咀到倒數．．．

去倒數之前就去左ＭＫ到行街，首先行左朗豪坊，跟住再行新之城．．．

去到朗豪坊就影左相先．．．之後就去左無印到買野．．．

我就買左３枝筆、一枝墨同埋一個即食麵．．．

跟住就去左新之城．．．首先就去一樓，之後再去二樓，個ｆｄ係果層買左件褸．．．

跟住再行三樓．．．個ｆｄ話帶我去小蜜蜂到夾糖，我今次夾得係最平既一次架啦．．．

最報咪搭地鐵去尖沙咀睇燈飾同埋倒數．．．之後點知就去左ｍ記到買夜晚果餐食．．．

ｍ記係勁多人，排勁耐先有得買．．．

跟住就去左文化中心出面到食囉，果時已經勁多人係海傍啦．．．

咪坐係果ｄ花槽到食囉．．．之後食完就去左廁所．．．

不過我冇去，淨係個ｆｄ去．．．

跟住又係到玩影相．．．影左超多相．．．

跟住等到８點幾，佢地話諗住買啤牌玩架．．．之後出之前睇到封左，姐係有出冇入．．．

之後都冇出到．．．咪係果度搵位坐囉．．．

影相影到１０點幾，之後就等到１１點半到就影煙火表演．．．

１１：５９就開始到倒數啦．．．５９，５８，５７．．．１０

開始正式既倒數啦，仲諗住會講埋１０，９，８果ｄ架嘛，點知又冇講喎．．．

之後都拎到一張紙仔，人地話如果拎到一張紙仔保持到下一年既話，就成年都會有好運喎．．．

之後我都拎到張，所以我都要ｋｅｅｐ住先＾＾

之後拎完之後都走ｌｕ．．．不過我成程都同老公仔ｓｍｓ，ｈａｈａ．．．

都講唔哂ｔｉｍ．．．琴日返到屋企都已經２點３啦．．．跟住咪訓覺囉．．．

今日又係新一年既開始，仲有一個月就要考ｍｏｃｋ啦，四個月就要考會考啦．．．

最後，聽日要返學啦．．．中文都未做完，仲有果兩篇閱讀理解未做渣．．．

今日８點先起身．．．

跟住８點半就出門口．．．

就係樓下買左燒賣食．．．

跟住一路行一路食，去到輕鐵站都仲未食完．．．

突然有個人係車站後面到派報紙喎．．．我咪拎囉．．．

點知有幾個輕鐵果ｄｃｈｅｃｋ飛果ｄ人．．．

跟住果時仲有兩三粒，咪超快食完囉．．．

都未到９點就去到７０５既輕鐵站，但係約左人係７０６果度等．．．

所以就係果度睇左一陣報紙先．．．

岩岩好９：００就去到７０６果度．．．

跟住就返學補科技．．．因為工件仲未做完．．．

補到１２：３０就出去買ｍ記返學校食，因為下晝仲要職英．．．

返到黎岩岩好１：００，所以下晝都冇去到補科技．．．

跟住５：００已經放學啦，但係搭車果時都已經５：２３．．．

跟住返到黎就即刻玩電腦．．．竟然老公仔就ｏｎ住ｍｓｎ等我．．．

跟住我就玩勁舞啦．．．之後就同佢跳ｃｏｕｐｌｅ　ｄａｎｃｅ８０Ｙ．．．

ｈａｈａ，得２個心都可以做到情侶，因為我有愛情藥水嘛．．．

係咪有個ｓｕｐｒｉｓｅ呢．．．仲有我今日升左１５ｌｖ啦，係老公仔幫我升架．．．

唔該哂呀，老公仔．．．

琴日去左屯門過平安夜，成十點先出，跟住返到黎都成一點半．．．

跟住就坐左一陣，之後就去刷牙洗面．．．就去左訓覺啦．．．

搞到成兩點先訓，跟住前日就去左踩溜冰鞋．．．

跟住踩左成兩粒半鐘，跟住就行元朗．．．

又行左成三粒鐘．．．

今日超凍，所以成日都冇出街，除左夜晚同呀媽出街食飯．．．

都冇出過．．．之後聽日去美食展．．．

同ｆｄ同埋我呀媽佢地去．．．

１１點出去，唔知去到幾時呢？？

不過，通常都去到５點幾６點幾到啦．．．

今日係一年一度既聖誕歌唱比賽同埋聯歡會．．．

朝早６：４０起左身，而家返到學校先７：３５渣．．．

返到去仲有２５分鐘先上禮堂．．．

跟住就開始比賽．．．

今年有樣野唔同就係上年有師生合唱，而今年就冇同埋今年有分低級組同高級組．．．

跟住就有嘉賓表演同埋中五級同中七級表演，而中五級就唱友共情．．．

而中七級就唱十八相送．．．

都唔知咩歌黎既．．．

跟住係課室又拎到兩份禮物同埋今日收多左兩張聖誕卡．．．

總之今日好開心啦．．．

今日又係禮拜二啦．．．

仲有三日就係學校一年一度既聖誕聯歡會啦．．．

我地果級（除左５Ｄ班之外）今日放左學去左禮堂到練歌．．．

本來話今日５－６去禮堂到排位同埋練歌既．．．

跟住呀sir話可能禮拜五唔駛集隊．．．

Ａｌｔｈｏｕｇｈ早左放，但係都係６點１０分返到天瑞．．．

跟住聽日又要交會計功課，仲未做呀．．．

點算好呢．．．

今日禮拜五，又係學校一年一度既家長教師晚會．．．

今年唔駛學生去，真係好架姐．．．

今日尾二果堂無端端話火警演ｘ．．．

果堂咁岩係地下到上，所以一出就係集隊．．．

跟住等副校講完ｄ野又入返去上堂．．．

但係聽日要去職英呀，１：００ｐｍ－５：００ｐｍ．．．

唉，我男朋友今日至到禮拜日都唔係香港，佢要返大陸呀．．．

因為佢表哥大學畢業，所以佢要返大陸．．．

我好掛住佢呀．．．唉，最衰又要返大陸喎．．．

下個禮拜五就係學校一年一度既聖誕歌唱比賽同聯歡會．．．

因為我地班話最後一年，想全級（５Ａ某部分人、５Ｂ成班人同埋５Ｃ某部分人）唱首歌．．．

因為５Ｄ唔係會考班，所以唔駛佢地唱．．．

但係都仲未知係咩歌．．．

今日禮拜二啦．．．

又要７：５５去自己班條隊到集隊喎．．．

因為琴日我地班帶唱校歌，跟住本身上個禮拜五話講好左禮拜一７：５５係果度企好．．．

跟住琴日返到去，仲有人未黎到，跟住上到課室仲未齊人．．．

跟住呀Ｓｉｒ就鬧我地班．．．

跟住就話成班聽日開始７：５５係自己班條隊集隊．．．

如果俾人捉左校服儀容果ｄ都當遲到，跟住仲有遲到都係，除左缺席果ｄ，要１００％齊人喎．．．

跟住今日都係未齊人喎．．．唉，希望聽日齊人啦．．．

跟住今日德育堂個ｔｏｐｉｃ係點樣經歷一段愛情．．．

跟住又講左聖誕歌唱比賽既野就係話首歌轉左友共情．．．

其實１１月２５日，我係勁舞識到個人．．．

佢係我既男朋友．．．ｈａｈａ∼！！

我地已經識左１６日啦．．．

希望我地呢段感情係最長啦．．．

琴日係學校陸運會，差ｄ遲到．．．

成７：４０先起身，跟住就即刻刷牙洗面啦．．．

搞到７：５０先出門口．．．

跟住我就去左ｍ記到買左個餐．．．

跟住我細妹就去左ＯＫ到買左個三文治ｌｕｎｃｈ食．．．

跟住ｌｕｎｃｈ就去左ＫＦＣ到食．．．

點知放左學，佢同我講話個三文治仲未食．．．

咁早知唔買啦．．．佢仲話ｌｕｎｃｈ同佢兩個ｆｄ去銀座到食粉喎．．．

借左人地唔知幾多錢（我冇問到佢）．．．

咁快禮拜五啦，聽日就係學校既特別日子．．．

聽日係學校既陸運會，８：００前去到運動場，跟住４：３０先放．．．

同埋又唔係準時喎．．．

ｌｕｎｃｈ又唔知準唔準時放．．．

係首次學校係禮拜六先陸運會，因為咁岩學校抽到係第一日禮拜六，第二日仲要係一月喎．．．

不過，我做左工作人員，唔駛坐係看台到咁悶．．．

坐係看台上面咪仲悶，起碼做工作人員有野做嘛．．．

雖然，今年係做名次果邊，但係都有野做．．．

今日又係禮拜二啦，有德育堂．．．

今日德育堂有個人黎左我地學校到講積極人生．．．

一入到禮堂就好凍，之後就無端端好熱．．．．

不過只有中三至中七先可以聽．．．

個人好搞笑．．．．

因為佢成日引我地笑，佢講左一句就係天生我材必有用黎鼓勵我地無論點樣都唔好放棄．．．．

由於時間問題，所以淨係得一位６Ａ班既同學問左條問題．．．

跟住就由王均祥（祥仔）同佢家姐一齊唱左首憑著愛，佢家姐就做手語，而佢就唱．．．唱左三次都有啦．．．

跟住我地６Ａ班又唱左首生命有價俾祥仔聽．．．

跟住祥仔又跟住唱，ｈａｈａ，好好聽呀．．．

跟住就完左啦．．．．

成日就咁過左啦．．．ｈａｈａ

好多野做呀．．．

下個禮拜二又要ｌｕｎｃｈ去補測商業第一課呀．．．

跟住禮拜四又要補測第二課喎．．．．

唉，溫唔熟，冇計啦．．．

今日已經係１１月最尾果日啦．．．

仲有３個月就考ｍｏｃｋ啦．．．

仲有半年就考會考啦．．．

不過我希望英文拎到咁多科最高啦．．．

姐係話，例如：中文、數學、商業、經濟、會計同埋科技都係拎左Ｅ級啦．．．

但係英文就要拎Ｄ級或以上．．．

因為我對英文好有信心．．．ＨＡＨＡ

所以而家都冇乜打ｂｌｏｇ啦．．．

補打．．．因為呢幾日都上唔到網，一係又唔記得左，一係又唔係我玩．．．

琴日仲諗住玩勁舞ｔｉｍ，點知又玩唔到喎．．．

不過，禮拜二至到禮拜四都放假，連放３日，真係好呀．．．

但係我禮拜四果日，同我呀媽去左屯門．．．見到邱子田要返既．．．

唔係應該全部東華三院放假架咩？？ｈａｈａ．．．

跟住果日２點半先出門口，行到４點幾到啦，就搭車返屋企．．．

返到屋企已經５點幾啦．．．差唔多６點．．．

呢幾日都冇勁舞ｌｕ．．．好想玩呀，但係又ｄｏｗｎｌｏａｄ唔到喎．．．

ｄｏｗｎｌｏａｄ到又玩唔到喎．．．真係唔知點好．．．所以我咪搵緊人ｓｄ個主程式俾我囉．．．

但係個個都話冇左個主程式，我心諗，係咪佢地唔想ｓｄ俾我渣．．．＾＾

今日要返職英呀，又考試喎．．．３分鐘要講２個部份呀．．．

姐係一分半鐘要講完一個部份呀．．．第二個部份仲難過第一個部份．．．

第一個部份係例如你而家係一個地方，叫你帶佢去另一個地方囉．．．

姐係用英文講就係ｇｉｖｉｎｇ　ｄｉｒｅｃｔｉｏｎ．．．．

而第二個部份就係講返果ｄ步驟．．．例如：你要帶一個朋友去禁機買一張郵票，你要跟返佢ｄ步驟黎教返佢囉．．．

好難呀．．．游其是係第二個部份呀．．．

今個禮拜一同四統測．．．

琴日測左中文同數學，兩份都唔識．．．

數學ｍｃ題果部份係亂撞架．．．亂撞都好過唔撞丫，係咪先？

但係中文都係好難，仲難過數學．．．

雖然係測閱讀（卷一）果係卷姐．．．

但係都咁難．．．．又唔合格啦．．．．唉，真係慘呀．．．

跟住今日又測左經濟，淨係岩左兩個渣．．．得二十分渣．．．真係死得啦．．．

仲諗住今日科技堂派卷架嘛，點知原來仲有一個人仲未測，所以今日冇得睇幾多分．．．

要等到下堂先有得睇．．．今次應該合格架．．．

跟住今日既德育堂去左禮堂到模擬投票．．．我選左兩個都係二號．．．

但係好多人都揀左二個一號，一個二號．．．

跟住禮拜四又測英文，ｈａｈａ∼我既強項呀．．．

到時係測聆聽（ｌｉｓｔｅｎｉｎｇ）呀．．．

今日派左上次測既閱讀（ｒｅａｄｉｎｇ）果份卷．．．

得我同另一個三字頭．．．我仲係差佢兩分．．．唉．．．

今日係東華三院聯校陸運會．．．

聽講話盧幹庭中學琴日拎左第四．．．．

唔知我地學校拎左第幾呢．．．

跟住今日就唔知．．．

希望可以拎到好多獎啦．．．

今日成日係屋企．．．

不過朝早都有出去食早餐，十點零五分先起身．．．

跟住十點半先出去食野．．．唉．．．

都起唔到咁早．．．點算．．．

今日朝早一起身就好凍．．．

但係到下晝又熱喎．．．

都唔知點好，ｓｏ我咪著左長袖冷衫囉．．．

ｈａｈａ∼！聽日都唔知點好，熱又唔係熱，凍又唔係凍喎．．．真係煩．．．

今日下晝上科技堂測驗，我兜得今次會合格啦．．．

因為今次可以話ｅａｓｙ，又可以話ｄｉｆｆｉｃｕｌｔ喎．．．

上完之後又要集隊，上禮堂聽講座，題目係點解要普選．．．

講者就係梁家傑先生．．．佢有提過果兩次辯論，唉．．．

今日又係一個禮拜既完結．．．

又係一個月既新開始喎．．．

跟住返學．．．

今日先介紹會計果個ｍｉｓｓ．．．

跟住就上去閱讀堂．．．

跟住到最尾果４個同學出黎分享．．．

呀ｓｉｒ同ｍｉｓｓ都話我地班講得好好．．．

跟住就落堂．．．小息．．．

中文堂ｍｉｓｓ冇返，ｓｏ今日就冇上中文堂．．．

我用左一陣既時間做英文既ｎｅｗｓ　ｃｕｔｔｉｎｇ．．．跟住就溫埋英文禮拜一ｄｉｃｔａｔｉｏｎ既生字，仲有十分鐘．．

跟住科技堂狂影相．．．ｈａｈａ∼！

返到屋企，玩勁舞，竟然咁岩見到牙正．．．

唉，佢一入左黎就走左啦．．．

今日遲左返學．．．

差ｄ遲到．．．

今日亦都係學校既Ｅｎｇｌｉｓｈ　Ｓｐｅａｋｉｎｇ　Ｄａｙ同埋Ｈａｌｌｏｗｅｅｎ　Ｄａｙ　．．．

其實我行返黎果時都已經落緊雨，不過果時落係好細．．．

跟住開始老師宣傳就落好大雨啦．．．

跟住放學我就去搵ｍｉｓｓ影相同傾計，有幾個我地班同埋有幾個係中七既．．．

原來佢請左好多班到時去佢婚禮．．．ｈａｈａ∼

傾完之後我地５：２０就落左去ｈａｌｌ到玩鬼屋．．．

我覺得今年恐怖過上年．．．

因為上年係冇乜咁恐怖，但係今年個鬼屋上面會有ｄ人嚇ｄ人，ｓｏ我就覺得今年恐怖ｄ啦．．．

跟住出到ｈａｌｌ之後仲落雨ｔｉｍ∼

琴日去學校旅行，地點係海洋公園．．．．

８：２５搭車（９６９），跟住係金鐘轉車轉左架專車（６２９）．．．

跟住成班俾個巴士ｄｒｉｖｅｒ握左，佢話唔會到正門，跟住我地就冇上車啦．．．

跟住又問附近果個職員，佢話呢度冇車可以到正門，要係中環轉車先有．．．．

跟住我地咪上左車囉，跟住係後門到落左車，又見到幾個我地班ｄ人．．．佢地都話俾果個人握左．．．搞到成班都俾佢握左．．

跟住我地係果度等左二十分鐘先有架８８８穿梭巴士．．．．

跟住就有車黎左啦．．．嘍住我到就１０：３４啦．．．

不過好彩早過跟車果ｄ．．．

跟住成日玩左５個ｇａｍｅｓ．．．

今日．．．．又係一星期既第二日．．．．

好野，後日係學校旅行．．．

地點係海洋公園．．．．

真係好好玩架．．．

又係中五級既回憶，又係好好玩既地方．．．．

禮拜二又唔駛返．．．ｈａｈａ∼

唉，分左手．．．．

點解要咁呢．．．．

識左一陣就要分手．．．．

     好慘．．．．