這兩星期澳洲LONG WEEKEND,放埋星期一(其實並不是很LONG)
所以連續兩星期都同朋友玩到天昏地暗。
上星期有晚有朋友黎屋企玩monopoly deal玩到兩點,
又去朋友的豪宅打機monopoly deal uno,
今星期去baddah birth fest,
又係屋企開西區PARTY,成班人打機打到4點....
這個自由,真的只有在外國留學才能享有。
可以不用存QUOTA出街,
可以鍾意就唔返屋企食飯,
可以同朋友玩到幾夜都得,
可以唔使打電話返屋企跪求娘親俾我留多陣,
可以唔使怕夜左返屋企俾家人OH NO...
這個自由,我以前很嚮往,現在也很享受。

不過,PAY OFF係,
所有野都要自己搞,
搵屋租屋搬屋,
買傢私搵傢私執傢私,
諗食咩買送煮飯洗碗清潔執屋大掃除,
交水費電費電話費上網費ETC
一個人生活,一點也不容易,
也不是想像中的好玩。

在家千日好。
但一直住在家是永遠不會體會到這句話的真正意思的。
當你有一天再不能每天食到娘親的飯飲到娘親的靚湯,
再不能每日聽她對你嘮嘮叨叨,
就會突然覺得,
比起自由,我更愛家。